லங்காசிறி FM
வெளிநாடொன்றில் ஊடகங்களில் பரபரப்பாக பேசப்பட்ட சார்லஸ் மன்னரின் இறப்பு செய்தி
Arbin
in ஐக்கிய இராச்சியம்
ரஷ்ய செய்தி ஊடகங்களில் திங்களன்று மதியத்திற்கு மேல் பிரித்தானிய மன்னர் சார்லஸ் மரணமடைந்துள்ளதாக பரபரப்பு தகவல் வெளியானது.
பல்வேறு நாடுகளில் தீயாக பரவ
குறித்த தகவல் ரஷ்யா மட்டுமின்றி, பல்வேறு நாடுகளில் தீயாக பரவ, பெரும்பாலானோர் உண்மை என்ன என்பதை உறுதி செய்யாமல் நம்பியதாகவே கூறப்படுகிறது.
பிரித்தானிய அரச குடும்பத்திற்கு ஒரு அதிர்ச்சி திருப்பம் ஏற்பட்டுள்ளதாகவும் ரஷ்ய செய்தி ஊடகங்கள் தகவல் வெளியிட்டன. மேலும் மன்னர் தொடர்பான செய்தி ஒரு காலத்தில் ரஷ்யாவின் மதிப்புமிக்க நாளேடு ஒன்றின் டெலிகிராம் செயலி பக்கத்தில் வெளியாக, சமூக ஊடகங்களில் அது தீயாக பரவியது.
அத்துடன் மன்னர் சார்லஸ் குறித்த போலியான புகைப்படங்களும் இணைக்கப்பட்டிருந்தது. ஆனால் பிரித்தானியாவில் இது தொடர்பில் எந்த தகவலும் வெளியாகாத நிலையில், அரண்மனை தரப்பில் இருந்து அறிக்கையூடாக உறுதி செய்துள்ளதாகவும் ரஷ்யாவில் செய்தி வெளியானது.
பிரித்தானிய அரண்மனை தரப்பில் வெளியிடும் அறிக்கை போன்றே அச்சு அசலாகவும் அந்த அறிக்கை இருந்துள்ளது. இதனால் பலர் நம்பியதாகவும் கூறப்படுகிறது. இந்த நிலையில், மன்னர் இறந்த செய்தி உக்ரைனிலும் பரவியது.
முதன்மை செய்தி ஊடகம் ஒன்று, இது குறித்து தகவலும் வெளியிட்டது. தொடர்ந்து தஜிகிஸ்தான் நாட்டில் பரவ, முதன்மை செய்தி நிறுவனம் ஒன்று சார்லஸ் மன்னருக்கு இரங்கல் செய்தியும் வெளியிட்டுள்ளது.
Tass உண்மையை உடைத்தது
இதனிடையே, ரஷ்யாவின் பிரபலமான Gazeta.Ru என்ற இணைய பக்கத்தில், புற்றுநோயால் பாதிக்கப்பட்டிருந்த மன்னர் சார்லஸ் சிகிச்சை பலனின்றி திடீரென்று மரணமடைந்துள்ளதாக செய்தி வெளியிட்டதுடன், மன்னருக்கு 75 வயது என்றும் பக்கிங்ஹாம் அரண்மனை குறித்த தகவலை உறுதி செய்துள்ளதாகவும் செய்தி வெளியிட்டது.
ஆனால், பிரித்தானிய ஊடகங்கள் இது தொடர்பில் இதுவரை செய்தி ஏதும் வெளியிடவில்லை என்றும் Gazeta.Ru குறிப்பிட்டுள்ளது. இந்த நிலையில் தான் ரஷ்ய அரசாங்கத்தின் செய்தி ஊடகம் Tass உண்மையை உடைத்தது.
அதில், மன்னர் சார்லஸ் உயிருடன் இருக்கிறார் என்றும், உத்தியோகப்பூர்வ சந்திப்புகளை மேற்கொண்டு வருகிறார் என்றும் தகவல் வெளியிட்டு, வதந்திகளுக்கு முற்றுப்புள்ளி வைத்துள்ளது.
புங்குடுதீவு 12ம் வட்டாரம், லியோன், France, சுவிஸ், Switzerland, இலங்கை
13 Sep, 2020
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
தெல்லிப்பழை, கொழும்பு, London, United Kingdom
13 Sep, 2022
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
மலேசியா, Malaysia, யாழ்ப்பாணம், Markham, Canada, Brampton, Canada
06 Sep, 2025
இளவாலை, Brisbane, Australia, Harrow, United Kingdom
06 Sep, 2025
