லங்காசிறி FM
தனி ஆளாக போராடிய ரோகித்... சென்னையிடம் வீழ்ந்தது மும்பை
Arbin
in கிரிக்கெட்
இன்று நடந்த 29வது லீக் ஆட்டத்தில் 20 ஓட்டங்கள் வித்தியாசத்தில் மும்பை அணியை வீழ்த்தியது சென்னை.
4 விக்கெட்டுகளை இழந்து 205 ஓட்டங்கள்
ஐபிஎல் கிரிக்கெட் தொடரில் இன்று நடைபெற்ற 29-வது லீக் ஆட்டத்தில் மும்பை இந்தியன்ஸ் - சென்னை சூப்பர் கிங்ஸ் அணிகள் மோதின. நாணய சுழற்சியில் வென்ற மும்பை அணி பந்து வீச்சை தெரிவு செய்தது.
இதனையடுத்து களமிறங்கிய சென்னை அணி 20 ஓவர் முடிவில் 4 விக்கெட்டுகளை இழந்து 205 ஓட்டங்கள் எடுத்தது. அதிகபட்சமாக ருதுராஜ் 69 ஓட்டங்களும் துபே 66 ஓட்டங்களும் எடுத்தனர். மும்பை தரப்பில் ஹர்திக் பாண்ட்யா 2 விக்கெட்டுகளை வீழ்த்தினார்.
இதனையடுத்து 206 ஓட்டங்கள் எடுத்தால் வெற்றி என்ற இலக்குடன் களமிறங்கிய மும்பை அனியில், தொடக்க வீரர்களாக ரோகித்- இஷான் கிஷன் களமிறங்கினர். இருவரும் அதிரடியாக விளையாடி ஓட்டங்களை சேர்த்தனர்.
இந்த ஜோடி முதல் விக்கெட்டுக்கு 70 ஓட்டங்கள் குவித்தது. இந்த ஜோடியை பத்திரனா பிரித்தார். இஷான் கிஷன் 23 ஓட்டங்களில் அவுட் ஆனார். அடுத்து வந்த சூர்யகுமார் அந்த ஓவரிலேயே 0 ரன்னில் வெளியேறினார்.
தனி ஆளாக போராடிய ரோகித்
இதனையடுத்து ரோகித் - திலக் ஜோடி பொறுப்பான ஆட்டத்தை வெளிப்படுத்தி ஸ்கோரை உயர்த்தினர். அதிரடியாக விளையாடிய ரோகித் 30 பந்தில் அரை சதம் விளாசினார். சிறப்பாக விளையாடிய திலக் 30 ஓட்டங்களில் வெளியேறினார்.
அடுத்து வந்த கேப்டன் ஹர்திக் பாண்ட்யா 2 ஓட்டங்களில் ஆட்டமிழந்தார். தொடர்ந்து வந்த டிம் டேவிட் 13, ஷெப்பர்ட் 1 என வெளியேறினர். தனி ஆளாக போராடிய ரோகித் சதம் விளாசி கடைசி வரை ஆட்டமிழக்காமல் இருந்தார்.
இறுதியில் மும்பை அணி 186 ஓட்டங்கள் மட்டுமே எடுத்தது. இதனால் சென்னை அணி 20 ஓட்டங்கள் வித்தியாசத்தில் வெற்றி பெற்றது. சென்னை அணி தரப்பில் பத்திரனா 4 விக்கெட்டுகளை வீழ்த்தினார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
பதுளை, புங்குடுதீவு 6ம் வட்டாரம், யாழ்ப்பாணம், பிரான்ஸ், France
28 Feb, 2026
Kuala Lumpur, Malaysia, உரும்பிராய், Ilford, United Kingdom
12 Mar, 2025
நெடுந்தீவு மேற்கு 4ம் வட்டாரம், நெடுந்தீவு, பிரான்ஸ், France, London, United Kingdom, நல்லூர்
09 Feb, 2026
