புதிய கார், போன் வாங்க பணம் வழங்கும் அரசு; செலவழிக்க தயங்கும் மக்கள்

china gives subsidy for shopping still domestic consumption weak: சீனாவில் மக்கள் புதிய பொருட்களை வாங்க மானியம் வழங்கினாலும், அரசு எதிர்பார்த்த அளவிற்கு சில்லறை விற்பனை வளர்ச்சியடையவில்லை.

புதிய பொருட்கள் வாங்க பணம் வழங்கும் சீன அரசு

சீனாவில், பொதுமக்கள் தங்களது பழைய பொருட்களைக் கொடுத்துப் புதிய பொருட்களை வாங்கும் திட்டத்திற்காக இந்த ஆண்டு 250 பில்லியன் யுவான் (இந்திய மதிப்பில் ரூ. 3.54 லட்சம் கோடி) ஒதுக்கியது சீன அரசு. 

இந்தத் திட்டம், பழைய பொருட்களுக்குப் பதிலாகத் தகுதியான புதிய பொருட்களை வாங்கும் மக்களுக்கு மானியம் வழங்குகிறது.

6,000 யுவான் (இந்திய மதிப்பில் ரூ. 85,000) அல்லது அதற்குக் குறைவான விலையுள்ள தகுதியான ஸ்மார்ட்போன்கள், டேப்லெட்டுகள், ஸ்மார்ட்வாட்சுகள் மற்றும் ஸ்மார்ட் கண்ணாடிகள், ஒரு பொருளுக்கு அதிகபட்சமாக 500 யுவான்(இந்திய மதிப்பில் ரூ. 7,000) என்ற வரம்புடன், 15 சதவீத மானியத்திற்குத் தகுதி பெறுகின்றன. 

அதாவது, 3,000 யுவான் (இந்திய மதிப்பில் ரூ. 42,576) விலையுள்ள ஒரு ஜோடி AI கண்ணாடிகளுக்கு 450 யுவான் (இந்திய மதிப்பில் ரூ. 6,386) தள்ளுபடி கிடைக்கக்கூடும்.

இந்தத் திட்டம் 6 வகை வீட்டு உபயோகப் பொருட்களையும் உள்ளடக்கியுள்ளது. இருப்பினும், மிக உயர்ந்த ஆற்றல் அல்லது நீர் சிக்கனத் தரநிலைகளைப் பூர்த்தி செய்யும் பொருட்கள் மட்டுமே தகுதி பெறுகின்றன. 

இதே போல், பழைய வாகனங்களை அப்புறப்படுத்தி, தகுதிவாய்ந்த மின்சார வாகனங்களை வாங்குபவர்களுக்கு, புதிய வாகனத்தின் விலையில் 12 சதவீதம் வரை மானியம் பெறலாம். இந்த மானியத்தின் உச்சவரம்பு 20,000 யுவான் (இந்திய மதிப்பில் ரூ. 2.83 லட்சம்) ஆகும். 

வரியை தோற்கடிக்க நாளொன்றுக்கு ரூ.9.49 கோடி செலவிடும் கோடீஸ்வரர்கள்

இந்த மானியங்களை பயன்படுத்தி பொதுமக்கள் சந்தையில் வந்துள்ள புதிய பொருட்களை வாங்கி பயன்படுத்தி பார்ப்பார்கள், சீன நிறுவனங்களின் விற்பனை அதிகரிக்க கூடும் என அரசு எதிர்பார்க்கிறது.

ஆகஸ்ட் மாத நிலவரப்படி, இத்திட்டம் 1.55 டிரில்லியன் யுவான் மதிப்புள்ள விற்பனைக்கு ஆதரவளித்துள்ளது. 

தகவல் தொடர்பு சாதனங்களின் விற்பனை, கடந்த ஆண்டுடன் ஒப்பிடுகையில் ஆகஸ்ட் மாதத்தில் 27.3 சதவீதம் அதிகரித்துள்ளது.

முந்தைய காலாண்டில் 4.3 சதவீதமாக இருந்த வளர்ச்சி, ஜூலை-செப்டம்பர் காலாண்டில் சீனாவின் பொருளாதாரம் ஆண்டுக்கு ஆண்டு 4.5 சதவீதம் வளர்ச்சி கண்டுள்ளது.

ஆனால், உள்நாட்டு நுகர்வு மற்றும் முதலீடு ஆகியவை முக்கியமான பலவீனமான இடங்களாகத் தொடர்கின்றன. சீனாவின் சில்லறை விற்பனை ஆகஸ்ட் மாதத்தில் வெறும் 0.4 சதவீதம் மட்டுமே வளர்ச்சி கண்டது. 

சொத்து முதலீடு, 2025 ஆம் ஆண்டின் இதே காலகட்டத்துடன் ஒப்பிடுகையில், இந்த ஆண்டின் முதல் ஒன்பது மாதங்களில் 7.2 சதவீதம் குறைந்துள்ளது.

சர்வதேச நாணய நிதியம் சீனாவின் 2026 ஆம் ஆண்டுக்கான வளர்ச்சி கணிப்பை 4.6 சதவீதத்திலிருந்து 4.5 சதவீதமாகக் குறைத்ததுடன், 2027 ஆம் ஆண்டுக்கான கணிப்பை 4.1 சதவீதத்திலிருந்து 4 சதவீதமாகவும் குறைத்துள்ளது.