லங்காசிறி FM
சீனாவின் J-35 போர் விமானங்கள்... ஒரு விடயத்தில் இந்தியாவை அதிரடியாக முந்திய பாகிஸ்தான்
சீனா 40 ஷென்யாங் J-35 ஐந்தாம் தலைமுறை ஸ்டெல்த் போர் விமானங்களைப் பாகிஸ்தானுக்கு வழங்குகிறது என்ற தகவல் இந்தியா தரப்பில் கலக்கத்தை ஏற்படுத்தியுள்ளது.
இந்தியா வசம் இல்லை
தங்கள் விமானப்படையில் அதி நவீன J-35 போர் விமானங்களை இணைப்பதன் ஊடாக ஸ்டெல்த் தொழில்நுட்பத்தை இயக்கும் குறிப்பிட்ட சில நாடுகளின் குழுவில் பாகிஸ்தானும் இணைகிறது.
இந்திய விமானப்படையைப் பொறுத்தமட்டில், தற்போது செயல்பாட்டு சேவையில் எந்த ஸ்டெல்த் போர் விமானங்களும் இல்லை. மட்டுமின்றி, அதன் உள்நாட்டு ஐந்தாம் தலைமுறை ஸ்டெல்த் விமானத்தை அறிமுகப்படுத்துவதற்கு இன்னும் குறைந்தது ஒரு தசாப்தமாவது ஆகும் என்ற அதிர்ச்சி தகவலும் வெளியாகியுள்ளது.
உறுதி செய்யப்பட்ட தகவலின் அடிப்படையில் 2035ல் மட்டுமே இந்தியாவிற்கு ஸ்டெல்த் தொழில்நுட்பத்துடன் ஐந்தாம் தலைமுறை போர் விமானங்கள் சொந்தமாகும்.
பாகிஸ்தானுக்கு அதி நவீன J-35 போர் விமானங்கள் கிடைப்பதில் ஆச்சரியமில்லை என குறிப்பிடும் முன்னாள் இந்திய விமானப்படை போர் விமானி மற்றும் பாதுகாப்பு ஆய்வாளர், அவர்களின் பரிந்துரைக்கப்பட்ட போர் விமானிகள் குழு ஆறு மாதங்களுக்கும் மேலாக சீனாவில் தங்கியிருந்து கடும் பயிற்சி மேற்கொண்டுள்ளதாக தெரிவித்துள்ளார்.
மேலும், சீனா பயிற்சிக்காக பாகிஸ்தானுக்கு FC-31 ரக விமானங்களை வழங்கியதாகவும், அதுவும் J-35 போன்ற தொழில்நுட்பம் கொண்டது என்றும் அவர் தெரிவித்துள்ளார்.
அவர்கள் முந்தியுள்ளனர்
கடந்த பல ஆண்டுகளாக இந்திய விமானப்படை, சிறந்த பயிற்சி, தந்திரோபாயங்கள் உட்பட பாகிஸ்தானை விட நீண்ட காலமாக வான் மேன்மையை பராமரித்து வருகிறது.
தற்போது அவர்களின் விமானப்படையில் அதி நவீன J-35 போர் விமானங்கள் இணைக்கப்படுவதால், ஒரே விடயத்தில் இந்தியாவை அவர்கள் முந்தியுள்ளனர். இது கண்டிப்பாக கவலை அளிக்கும் தகவல் என குறிப்பிட்டுள்ள கேப்டன் அஜய் அஹ்லாவத்,
சுதந்திரம் அடைந்ததிலிருந்து, சீனாவை விட இல்லாவிட்டாலும், குறைந்தபட்சம் பாகிஸ்தானை விட ஒரு முன்னிலையைத் தக்க வைத்துக் கொள்ள நாம் மிகவும் கடினமான போராட்டத்தை நடத்தி வருகிறோம்.
பாகிஸ்தானில் J-35 போர் விமானத்தின் எந்தப் பதிப்பும் இந்தியா தரப்பில் கவலைகளை எழுப்பப் போகிறது என்பது மட்டும் உண்மை என்றும் அவர் குறிப்பிட்டுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கிருலப்பனை, பருத்தித்துறை, Mengede, Germany, Dortmund, Germany
17 Jun, 2025
முல்லைத்தீவு, கொழும்பு, நல்லூர், மெல்போன், Australia
15 Jun, 2025
மாதகல், மாங்குளம், Amsterdam, Netherlands, Nuremberg, Germany
01 Jun, 2024
வல்வெட்டித்துறை, London, United Kingdom, Aylesbury, United Kingdom
13 Jun, 2025
