தலைமை தேர்தல் ஆணையர் பதவி விலக வேண்டும் - போராட்டத்தை அறிவித்த CJP

cjp to protest on oct 2 if cec gyanesh kumar not resign: இந்திய தலைமை தேர்தல் ஆணையர் நாளைக்குள் பதவி விலக வேண்டும் இல்லையெனில் அக்டோபர் 2 முதல் போராட்டம் நடத்தப்படும் என CJP கட்சி அறிவித்துள்ளது.

தேர்தல் ஆணையர் விவகாரம்

சில மாதங்களுக்கு முன்னர், இணையத்தில் உருவான கரப்பான் பூச்சி ஜனதா கட்சி(CJP), நீட் முறைகேடுகளுக்கு பொறுப்பேற்று மத்திய கல்வி அமைச்சர் தர்மேந்திர பிரதான் பதவி விலக வேண்டும் என டெல்லியில் போராட்டம் நடத்தியது.  

இந்தியாவையே உலுக்கும் வகையில் நடைபெற்ற இந்த போராட்டத்திற்கு பின்னர், தர்மேந்திர பிரதான் பதவி விலகினார்.

தற்போது, SIR உள்ளிட்ட தேர்தல் ஆணைய நடவடிக்கைகள் தொடர்பான முக்கிய முடிவுகள் தங்கள் கவனத்திற்கு வராமலேயே எடுக்கப்பட்டதாக தேர்தல் ஆணையர்கள் சுக்பீர் சிங் சந்து மற்றும் விவேக் ஜோஷி10 மாதங்களில் 14 முறை எதிர்ப்பு தெரிவித்ததாக கூறப்படுகிறது. 

இதனால், தலைமைத் தேர்தல் ஆணையர்பதவி விலக வேண்டும், SIR க்கு பின்னர் தேர்தல் நடைபெற்ற மாநிலங்களில் மறுதேர்தல் நடத்தப்பட வேண்டும் என எதிர்க்கட்சிகள் வலியுறுத்தி வருகின்றன.

CJP போராட்டம்

இந்நிலையில், இந்திய தலைமைத் தேர்தல் ஆணையர் ஞானேஷ் குமார் செப்டம்பர் 27 ஆம் திகதிக்குள் பதவி விலகாவிட்டால், அக்டோபர் 2 ஆம் திகதி மும்பையில் போராட்டத்தை தொடங்கி நாடு முழுவதும் விரிவுபடுத்துவோம் என CJP அறிவித்துள்ளது. 

கூட்டணி வைத்தால் துணை முதல்வர் ஆக்குவதாக கூறிய ஆதவ் அர்ஜுனா - சீமான் பேச்சு

இது குறித்து தனது எக்ஸ் பக்கத்தில் கருத்து தெரிவித்துள்ள ஞானேஷ் குமார், "நாளைக்குள் ராஜினாமா செய்யவில்லை என்றால், CJP அக்டோபர் 2 அன்று மும்பையிலிருந்து தனது நாடு தழுவிய போராட்டத்தைத் தொடங்கி, இந்தியாவின் பிற நகரங்களுக்கும் எடுத்துச் செல்லும்.

If Gyanesh Kumar does not resign by tomorrow, CJP will begin its nationwide protest from Mumbai on 2 October, and take it to cities across India.

This Gandhi Jayanti let’s pledge to save democracy.

— Abhijeet Dipke (@abhijeet_dipke) September 25, 2026

இந்த காந்தி ஜெயந்தியன்று ஜனநாயகத்தைக் காப்பாற்ற நாம் உறுதியேற்போம்" என குறிப்பிட்டுள்ளார்.

மேலும், CJP கட்சி பல முக்கிய கோரிக்கைகளை முன்வைத்துள்ளது.

ஞானேஷ் குமார் உடனடியாகப் பதவி விலக வேண்டும், அவர் மீது குற்றவியல் நடவடிக்கை தொடங்கப்பட வேண்டும், மேலும் அவர் யாருடைய உத்தரவின் பேரில் செயல்பட்டார் என்பது குறித்து விசாரணை தொடங்கப்பட வேண்டும்.

நடைபெறவுள்ள அனைத்துத் தேர்தல்களையும் உடனடியாக நிறுத்தி வைக்க வேண்டும். தற்போதைய திருத்தப்பட்ட வாக்காளர் பட்டியல்களை நிறுத்திவைத்து, 2025 வாக்காளர் பட்டியலுக்கு திரும்ப வேண்டும். 

பொதுமக்களின் நம்பிக்கையை மீண்டும் பெறும்வகையில் எஸ்.ஐ.ஆர் நடைமுறைகள் குறித்து ஆய்வுநடத்த சுதந்திரமான விசாரணை ஆணையத்தை அமைக்க வேண்டும். இதில் உச்ச நீதிமன்றத்திற்கும் பொறுப்பு உள்ளது.

மேலும் SIR பணிகள் தொடர்பான அனைத்து கோப்புகளையும் கைப்பற்றி நீதிமன்ற பாதுகாப்பில் வைக்க வலியுறுத்திகிறோம். ஏனெனில் நாளை தீவிபத்தில் அனைத்தும் எரிந்துவிட்டது எனக் கூறிவிடுவார்கள்.

தேர்தல் ஆணையர்கள் நியமனம் தொடர்பான 2023 ஆம் ஆண்டு சட்டம் ரத்து செய்யப்பட்டு, குடிமைச் சமூக உறுப்பினர்களின் தீவிரப் பங்கேற்புடன் நம்பிக்கையைத் தூண்டும் ஒரு புதிய சட்டம் கொண்டுவரப்பட வேண்டும்.