லங்காசிறி FM
Clifton பாலத்தில் மனித உடல் பாகங்கள்... லண்டனை உலுக்கிய சம்பவத்தில் அதிர்ச்சி திருப்பம்
Arbin
in ஐக்கிய இராச்சியம்
லண்டனில் அமைந்துள்ள Clifton பாலத்தில் மனித உடல் பாகங்களுடன் சூட்கேஸ்கள் கண்டெடுக்கப்பட்ட நிலையில், தற்போது அதிர்ச்சி திருப்பமாக குடியிருப்பு ஒன்றில் இருந்தும் மனித உடல் பாகங்களை பொலிசார் மீட்டுள்ளதாக தகவல் வெளியாகியுள்ளது.
மனித உடல் பாகங்கள்
குறித்த சம்பவத்தில் 24 வயது கொலம்பிய நாட்டவர் Yostin Andres Mosquera என்பவரை தீவிரமாக தேடி வருவதாக பொலிசார் அறிவித்துள்ளனர். மேற்கு லண்டனில் அமைந்துள்ள குடியிருப்பு ஒன்றில் இருந்தே வெள்ளிக்கிழமை மதியத்திற்கு மேல் அதிகாரிகள் தரப்பு ஆதாரங்களை திரட்டியுள்ளனர்.
இதனையடுத்து வெளியிட்டுள்ள தகவலில், மனித உடல் பாகங்கள் அந்த குடியிருப்பில் இருந்தும் மீட்கப்பட்டுள்ளதாக தெரிவித்துள்ளனர். புதன்கிழமை நள்ளிரவுக்கு முன்னர் அவான் மற்றும் சோமர்செட் பொலிசாருக்கு கிடைத்த தகவலில், ஒரு நபர் மர்மமான முறையில் நடந்துகொள்வதாகவும்,
Clifton பாலத்தில் சூட்கேஸ் ஒன்றை விட்டுச் செல்வதாகவும் குறிப்பிட்டுள்ளனர். தகவலை அடுத்து சம்பவயிடத்திற்கு விரைந்த பொலிசார், இரண்டு சூட்கேஸ்களை கண்டெடுத்ததுடன், அதில் மனித உடல் பாகங்கள் இருந்துள்ளதையும் உறுதி செய்தனர்.
முதற்கட்ட ஆய்வுக்கு அடுத்து, அந்த சூட்கேஸில் இரு ஆண்களின் உடல் என உறுதி செய்யப்பட்டது. அந்த இருவரும் தற்போது பொலிசாரால் தேடப்படும் Mosquera என்பவருக்கு அறிமுகமானவர்கள் என்றே நம்பப்படுகிறது.
கொலம்பிய நாட்டவர்
இந்த நிலையில் ஸ்காட்லாந்து யார்டு பொலிசார் முன்னெடுத்த தீவிர தேடுதல் நடவடிக்கையில், உடல் பாகங்களுடன் சூட்கேஸ்களை அந்த பாலத்தில் விட்டுவிட்டு Mosquera அந்த பகுதியை விட்டு வெளியேறியுள்ளதாக உறுதி செய்துள்ளனர்.
பொலிசார் ஆய்வு முன்னெடுத்த குடியிருப்பில் பால் மற்றும் ஆல்பர்ட் ஆகிய இருவர் தங்கியிருந்ததாக அக்கம்பக்கத்தினர் அடையாளம் கண்டுள்ளனர்.
தற்போது தலைமறைவாக உள்ள கொலம்பிய நாட்டவர் Yostin Andres Mosquera கைது செய்யப்பட்டால் மட்டுமே, இந்த இரு கொலைகளுக்கும் காரணம் மற்றும் பின்னணி தெரியவரும் என பொலிசார் தெரிவிக்கின்றனர்.
கண்காணிப்பு கமெராவில் பதிவாகியுள்ள காட்சிகளின் அடிப்படையில், அந்த 24 வயது கொலம்பிய நாட்டவரின் புகைப்படம் ஒன்றை பொலிசார் வெளியிட்டு, பொதுமக்களுக்கு எச்சரிக்கை விடுத்துள்ளதுடன், உதவியும் கோரியுள்ளனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
