பிரான்ஸ் பல்பொருள் அங்காடிகள் மீது சைபர் தாக்குதல்: சுவிட்சர்லாந்தில் நிலைமை என்ன?

Concerns for a supermarket Swiss cyber attack: பிரான்சில் பல்பொருள் அங்காடிகள் மீது நிகழ்த்தப்பட்ட சைபர் தாக்குதல், சுவிட்சர்லாந்திலும் அது குறித்த கவலையை உருவாக்கியுள்ளது.

பிரான்சில் குளிர் சாதன அமைப்புகள் மீது சைபர் தாக்குதல் நடத்தப்பட்ட விடயம் பரபரப்பை உருவாக்கியுள்ள நிலையில், சுவிட்சர்லாந்திலும் அதே அமைப்புகள் உள்ளதால் சுவிட்சர்லாந்தில் நிலைமை என்ன என்னும் கேள்வி எழுந்துள்ளது.

பல்பொருள் அங்காடிகள் மீது சைபர் தாக்குதல்

ஞாயிற்றுக்கிழமை இரவு துவங்கி, பிரான்சிலுள்ள பல்வேறு பல்பொருள் அங்காடிகளிலுள்ள குளிர்சாதனப் பெட்டிகள் சைபர் தாக்குதலுக்குள்ளாகியுள்ளன. 

அதாவது, ஹேக்கர்கள் குளிர்சாதனப்பெட்டிகள், உணவுப்பொருட்கள் வைக்கப்பட்டுள்ள குளிரூட்டப்பட்ட அறைகளின் வெப்பநிலையை 50 டிகிரி செல்ஷியஸ் வரை உயர்த்தியதால், அங்கு வைக்கப்பட்டிருந்த காய்கறி, பழங்கள் மற்றும் உணவுப்பொருட்கள் வீணாகின.

உணவுப்பொருட்கள் கெட்டுப்போனதால், அவற்றை முழுமையாக குப்பையில் வீசவேண்டிய நிலை உருவானதுடன், வெப்பநிலை அதிகமானதால் சில இடங்களில் தீவிபத்துகளும் ஏற்பட்டுள்ளன. 

கணவனுடைய கடன் மனைவி தலையில்... முக்கியத்துவம் வாய்ந்த ஒரு வழக்கு

பல பல்பொருள் அங்காடிகள் மற்றும் கடைகள் பாதிக்கப்பட்டதால், ஒரே நாளில் பல்லாயிரக்கணக்கான யூரோக்கள் இழப்பு ஏற்பட்டுள்ளது.

சுவிட்சர்லாந்தில் நிலைமை என்ன?

பிரான்சில் பாதிப்புக்குள்ளான குளிர் சாதன அமைப்புகள், Danfoss என்னும் டென்மார்க் நிறுவனத்துக்கு சொந்தமானவை.  

விடயம் என்னவென்றால், சுவிட்சர்லாந்திலுள்ள Migros பல்பொருள் அங்காடிகள் சிலவற்றிலும் அதே Danfoss நிறுவனத்தின் குளிர் சாதன அமைப்புகள் பயன்படுத்தப்பட்டுவருகின்றன. 

இந்நிலையில், தங்கள் பல்பொருள் அங்காடிகளில் எந்த வித சைபர் தாக்குதலும் இல்லை என Migros நிறுவனம் தெரிவித்துள்ளது.

அதேபோல, Coop பல்பொருள் அங்காடிகளும், தங்கள் குளிர் சாதன அமைப்புகள் கட்டுப்பாட்டில் உள்ளதாகவும், பாதுகாப்பு தொடர்ந்து கண்காணிக்கப்படுவதாகவும் தெரிவித்துள்ளது.

அதாவது, பிரான்சிலுள்ள குளிர் சாதன அமைப்புகள் சைபர் தாக்குதலுக்கு உள்ளாக முடியும் என்றால், மற்ற நாடுகளிலும் அதே நிலை ஏற்படலாம் என்றும், மருத்துவமனைகள் முதலான அமைப்புகளும் பாதிப்புக்குள்ளாகக்கூடும் என்றும் ஒருவித அச்சம் உருவாகியுள்ளதை மறுப்பதற்கில்லை!