லங்காசிறி FM
இசை நிகழ்ச்சி குளறுபடிகள்: ஏ.ஆர்.ரஹ்மானுக்கு யுவன் சங்கர் ராஜா ஆதரவு
Sathya
in பொழுதுபோக்கு
ஏ.ஆர்.ரஹ்மான் இசை நிகழ்ச்சியில் நடந்த குளறுபடி விவகாரத்தில், ஆர்.ரஹ்மானுடன் துணை நிற்கிறேன் என இசையமைப்பாளர் யுவன் சங்கர் ராஜா ஆதரவு தெரிவித்து அறிக்கை வெளியிட்டுள்ளார்.
ஏ.ஆர்.ரஹ்மான் இசை நிகழ்ச்சி
சென்னையில் இசையமைப்பாளர் ஏ.ஆர்.ரஹ்மானின் ‘மறக்குமா நெஞ்சம்’ இசை நிகழ்ச்சி நேற்று முன்தினம் (செப்.10) நடைபெற்றது.
இந்த நிகழ்ச்சிக்கான ஏற்பாடுகள் மோசமாக இருந்ததாகவும், இதை மறக்கவே முடியாது என்றும் ரசிகர்கள் சமூக வலைதளங்களில் அதிருப்தியை தெரிவித்தனர்.
ரகுமானுக்கு யுவன் ஆதரவு
இசை நிகழ்ச்சி தொடர்பாக யுவன் சங்கர் ராஜா தனது அறிக்கையில், "ஒரு பிரம்மாண்டமான இசை நிகழ்ச்சியை நடத்துவது என்பது மிகவும் சிக்கலான ஒரு வேலை. அதில் கூட்டத்தைக் கட்டுப்படுத்துவது, போக்குவரத்தை கையாள்வது என ஏராளமான விடயங்கள் உள்ளன.
ஒருங்கிணைப்பு குளறுபடிகள் காரணமாக, துரதிர்ஷ்டவசமான வகையில் அதிக கூட்ட நெரிசல் உள்ளிட்ட எதிர்பாராத பிரச்சினைகள் பெரிய இசை நிகழ்ச்சிகளின் போது நடக்கின்றன. நோக்கங்கள் நல்லதாக இருந்தாலும், சில விஷயங்கள் தவறாகி விடுகின்றன. இதனால் எங்கள் இசைக்கு அர்த்தம் கொடுக்கும் மக்களாகிய எங்கள் ரசிகர்களுக்கு கடுமையான மன உளைச்சலை ஏற்படுத்தும்.
நிகழ்ச்சி தயாரிப்பாளர்கள் மற்றும் ஏற்பாட்டாளர்கள் இந்த சம்பவத்தைப் பற்றி சிந்திப்பது முக்கியம். கலைஞர்கள் என்ற முறையில், நாங்கள் இந்த தயாரிப்பாளர்கள் மீது நம்பிக்கை வைக்கிறோம். எல்லாமே சீராக நடக்கவும், நாங்கள் மேடையில் இருக்கும்போது எங்கள் ரசிகர்கள் பாதுகாப்பாக இருப்பதையும், அனைத்தும் சுமூகமாக நடப்பதையும் உறுதி செய்ய இந்த தயாரிப்பாளர்கள் மேல் நாங்கள் நம்பிக்கை வைக்கிறோம்.
இதுபோன்ற ஒரு சூழ்நிலை வெளிவருவதைக் காண்பது உண்மையிலேயே வருத்தமளிக்கிறது. திட்டமிடல் மற்றும் பாதுகாப்பில் நான் உட்பட கலைஞர்கள் தீவிரமான பங்கை எடுக்குமாறு கேட்டுக்கொள்கிறேன்.
ஒரு சக இசையமைப்பாளர் என்ற முறையில், துரதிர்ஷ்டவசமான நிகழ்வுகளைக் கருத்தில் கொண்டு, ஏ.ஆர்.ரஹ்மானுக்கு ஆதரவாக நிற்கிறேன்.
மேலும், எதிர்கால நிகழ்ச்சிகளில், குறிப்பாக பெண்கள், குழந்தைகள் மற்றும் முதியோர்களின் பாதுகாப்பு மற்றும் வசதிக்காக மிகுந்த கவனத்துடனும், அக்கறையுடனும் செயல்படுத்தப்படுவதை ஒருங்கிணைப்பாளர்கள் உறுதி செய்வார்கள் என்று நம்புவோம்" எனக் கூறியுள்ளார்.
— Raja yuvan (@thisisysr) September 11, 2023
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
