அம்மா என்று கதறியும் விடாத அதிகாரிகள்…அமெரிக்க காவல்துறையால் தாக்கப்பட்டு உயிரிழந்த டிரைவர்

அமெரிக்காவில் டயர் நிக்கோல்ஸ் என்ற டிரைவர் ஐந்து காவல்துறை அதிகாரிகளால் கொடூரமாக தாக்கப்பட்டு உயிரிழந்த சம்பவம் பெரும் பரபரப்பை ஏற்படுத்தியுள்ளது.

காவல்துறையால் தாக்கப்பட்ட டிரைவர்

ஜனவரி 7ம் திகதி மெம்பிஸ், டென்னசியில் கவனக்குறைவாக வாகனம் ஓட்டியதற்காக டயர் நிக்கோல்ஸ் சட்ட அமலாக்க பிரிவினரால் தடுத்து நிறுத்தப்பட்டார்.

அப்போது அதிகாரிகளிடம் இரண்டு முறை டயர் நிக்கோல்ஸ் வாக்குவாதத்தில் ஈடுபட்டுள்ளார், இதனால் ஆத்திரமடைந்த காவல்துறை அதிகாரிகள் டயர் நிக்கோல்ஸை முதலில் பெப்பர் ஸ்ப்ரே பயன்படுத்தி தாக்கியுள்ளனர், பின்னர் அவருக்கு மரண காயங்கள் ஏற்படும் அளவிற்கு கால்களால் உதைத்து, கைகளால் குத்தி தாக்கியுள்ளனர்.

City Of Memphis

இறுதியில் அவர்கள் ஆம்புலன்ஸ் மூலம் மருத்துவமனைக்கு கொண்டு செல்லப்பட்ட நிலையில், 29 வயதான FedEx டிரைவர் டயர் நிக்கோல்ஸ் மூன்று நாட்களுக்குப் பிறகு ஜனவரி 10 அன்று கடுமையான காயங்கள் மற்றும் இரத்தப்போக்கால் உயிரிழந்ததாக அறிவிக்கப்பட்டார்.

வெளியான வீடியோ

டயர் நிக்கோல்ஸ் தாக்கப்படும் வீடியோவை மெம்பிஸ் விசாரணை அதிகாரிகளால் வெளியிடப்பட்டன, இந்த வீடியோவில் தங்கள் பயங்கரமான தாக்குதல் தற்பெருமை பற்றி அந்த அதிகாரிகள் பேசுவது இடம்பெற்று இருப்பதால் இந்த சம்பவம் அமெரிக்கா மற்றும் உலகம் முழுவதும் சீற்றத்தைத் ஏற்படுத்தியுள்ளது. அதில் அதிகாரி ஒருவர் டயர் நிக்கோல்ஸை “நாய்” என்று அழைப்பது இடம்பெற்றுள்ளது.

WARNING: GRAPHIC POLICE BRUTALITY #TyreNichols was murdered by the Memphis PD. This is torture and murder on the hands of these “men”. Tyre Nichols was held up by two cops as he was savagely beaten and abused. Each one of these POS should rot. #JusticeforTyreNichols pic.twitter.com/z8YK3F0X02

— Conor (@ConorKilbane6) January 28, 2023

மேலும் மற்றொரு அதிகாரி “நான் அவனை விரட்ட போகிறேன்” என கூறும் காட்சிகள் இடம்பெற்றுள்ளன. மற்ற காட்சிகளில், பொலிஸ் அதிகாரி ஒருவர் பாதுகாப்பற்ற நிக்கோலஸின் தலை மற்றும் உடலில் பலமுறை குத்துகிறார், அதே நேரத்தில் இரண்டு சக ஊழியர்கள் அவரை நிமிர்ந்து பிடித்துக் கொள்கிறார்கள், அப்போது மற்றொரு அதிகாரி நிக்கோல்ஸை பலமாக உதைப்பது காட்டப்படுகிறது.

இந்த குழப்பமான சூழ்நிலையில் நிக்கோல்ஸ் வலி தாங்க முடியாமல் தனது அம்மாவை பலமுறை அழைக்கிறார், மேலும்  "நான் எதுவும் செய்யவில்லை" மற்றும் "நிறுத்து, நான் எதுவும் செய்யவில்லை." என்று கதறும் காட்சிகளும் இடம்பெற்றுள்ளது.

அமெரிக்க ஜனாதிபதி கண்டனம்

இந்த காட்சிகள் வெளியாகி அமெரிக்காவில் பெரும் பரபரப்பை ஏற்படுத்தியுள்ள நிலையில், டயர் நிக்கோல்ஸ் மரணத்திற்கு காரணமான கொடூரமான வீடியோவைப் பார்த்து நான் ஆத்திரமடைந்தேன் மற்றும் மிகவும் வேதனையடைந்தேன்." என்று அமெரிக்க ஜனாதிபதி ஜோ பைடன் கண்டனம் தெரிவித்துள்ளார்.

மேலும் நிக்கோலஸ் குடும்பம் முழுமையான, வெளிப்படையான மற்றும் விரைவான விசாரணைக்கு தகுதியானது என்றும் தெரிவித்தார்.

AP

இதற்கிடையில் தாக்குதலில் ஈடுபட்ட ஐந்து அதிகாரிகள் தடாரியஸ் பீன், டெமெட்ரியஸ் ஹேலி, எம்மிட் மார்ட்டின் III, டெஸ்மண்ட் மில்ஸ் ஜூனியர் மற்றும் ஜஸ்டின் ஸ்மித் இரண்டாம் நிலை கொலைக் குற்றசாட்டிற்கு ஆளாகியுள்ளனர்.

அத்துடன் அவர்கள் மீது கடுமையான கடத்தல், உத்தியோகபூர்வ தவறான நடத்தை, உத்தியோகபூர்வ அடக்குமுறை மற்றும் மோசமான தாக்குதல் ஆகிய குற்றச்சாட்டுகளும் சுமத்தப்பட்டன.

இதில் சம்பந்தப்பட்ட அனைத்து அதிகாரிகளும் கடந்த வாரம் பணியில் இருந்து நீக்கப்பட்டனர் என்பது குறிப்பிடத்தக்கது.