இந்திய இளம்பெண் மீது கார் மோதிக் கொன்றுவிட்டு சிரித்த பொலிசார்: நீதி கிடைத்தது
அமெரிக்காவில், சாலையைக் கடக்கும்போது பொலிஸ் கார் ஒன்று மோதியதில் தூக்கி வீசப்பட்ட இந்திய மாணவி ஒருவர் உயிரிழந்தார்.
அந்த இளம்பெண் மீது மோதிய காரில் இருந்த பொலிசார், அந்த இளம்பெண் குறித்து மோசமாக விமர்சித்து சிரிக்கும் வீடியோ ஒன்று வெளியாகி கடும் அதிர்ச்சியை உருவாக்கியது. இந்திய பிரபலங்கள் பலர் அந்த சம்பவம் தொடர்பில் தங்கள் கோபத்தை வெளிப்படுத்தியிருந்தார்கள்.
ஆந்திர மாநிலத்தைச் சேர்ந்த இளம்பெண்
இந்தியாவின் ஆந்திர மாநிலத்தைச் சேர்ந்தவர் ஜானவி (Jaahnavi Kandula, 23). அமெரிக்காவில் கல்வி பயின்று வந்த ஜானவி, Seattle நகரில் சாலை ஒன்றைக் கடந்துகொண்டிருக்கும்போது, வேகமாக வந்த பொலிஸ் கார் ஒன்று அவர் மீது மோதியுள்ளது.
மணிக்கு 119 கிலோமீற்றர் வேகத்தில் வந்த அந்த கார் மோதியதில் தூக்கி வீசப்பட்ட ஜானவி பரிதாபமாக பலியாகியுள்ளார்.
சிரித்த பொலிசார்
"She had limited value..", Seattle Police office, Daniel Auderer caught on a body camera last year laughing about the death of an Indian Student, Jaahnavi Kandula, terminated.
— Sidhant Sibal (@sidhant) July 18, 2024
Vdo ctsy: Seattle Police pic.twitter.com/ptvp9dFsST
இந்நிலையில், அந்தக் காரிலிருந்த பொலிசார், அந்த இளம்பெண்ணைக் கொன்றுவிட்டு, அதைக் குறித்து சற்றும் வருத்தப்படாமல், அவரை கேலி செய்து சிரிக்கும் காட்சி ஒன்று வெளியாகி சர்ச்சையை உருவாக்கியது.
கெவின் (Kevin Dave) என்னும் பொலிசார் அந்தக் காரை ஓட்டிய நிலையில், அவருடன் அதே காரில் பயணித்த பொலிஸ் யூனியனைச் சேர்ந்தவரான டேனியல் (Daniel Auderer) என்பவர், அவள் ஒன்றும் 40 அடி தூரமெல்லாம் தூக்கி வீசப்பட்டது போலத் தெரியவில்லை, ஆனாலும், அவள் செத்துவிட்டாள் என்று சொல்லிவிட்டு சிரித்துள்ளார்.
அப்போது தனது சட்டையிலிருந்த கமெராவை அவர் அணைக்க மறந்துவிட்டிருக்கிறார், அவர் சிரிப்பதை வெளியாகியுள்ள வீடியோவில் கேட்கலாம்.
நீதி கிடைத்தது
இந்நிலையில், ஜானவி கொல்லப்பட்டபோது, அதைக் குறித்து மோசமாக விமர்சித்து, சிரித்த பொலிசாரான டேனியல் தற்போது பணிநீக்கம் செய்யப்பட்டுள்ளார்.
இந்த விடயம் குறித்து கருத்து தெரிவித்த Seattle பொலிஸ் துறைத் தலைவரான Sue Rahr, டேனியலின் வார்த்தைகள், பிள்ளையை இழந்த ஜானவியின் குடும்பத்தினருக்கு ஏற்படுத்திய வேதனையை அவர்களால் மறக்கமுடியாது என்று கூறியுள்ளார்.
அத்துடன், டேனியல் என்னும் இந்த ஒரு நபர் Seattle பொலிஸ் துறைக்கும், மொத்த பொலிஸ் தொழிலுக்கும் உருவாக்கியுள்ள அவமானம், எல்லா பொலிசாரின் வேலையையும் மேலும் கடினமாக்கியுள்ளது என்றும் அவர் கூறியுள்ளார்.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |