நடிகர் விஜய் அலுவலகத்தில் வாயில் பரோட்டாவுடன் ஆண் சடலம்! பிரேத பரிசோதனையில் பரபர தகவல்

Vijay Chennai Actors

By Raju Jun 18, 2022 03:30 AM GMT

Raju

in பொழுதுபோக்கு

Report

நடிகர் விஜய்யின் அலுவலகத்தில் நபர் ஒருவர் வாயில் பரோட்டாவுடன் சடலமாக கண்டெடுக்கப்பட்டுள்ளார்.

சென்னை கிழக்கு கடற்கரை சாலை பனையூரில் நடிகர் விஜய்யின் அகில இந்திய தளபதி விஜய் மக்கள் இயக்கத்தின் அலுவலகம் அமைந்துள்ளது. எளிதில் எவரும் உள்ளே ஏறி குதித்து புகுந்து விட இயலாத வகையில்10 அடி உயர கருங்கல் சுற்று சுவரில் பீங்கான் பதிக்கப்பட்டுள்ளது.

அந்த அலுவலகத்தில் உட்பகுதிகளை புதுமைபடுத்தும் பணிகள் நடைபெற்று வருகிறது. இங்கு பெயிண்டரான பிரபாகரன் என்பவர் கடந்த ஒரு மாத காலமாக பெயிண்ட் அடிக்கும் ஒப்பந்த ஊழியராக வேலை செய்து வந்தார்.

கடந்த சனிக்கிழமையன்று சம்பளத்தை பெற்று கொண்டு தன்னுடைய குடும்பத்தினரை காணச் சென்ற பிரபாகரன் சம்பவத்தன்று இரவு 8 மணியளவில் குடிபோதையில் நடிகர் விஜய்யின் அலுவலகத்திற்கு சென்றுள்ளார்.

நடிகர் விஜய் அலுவலகத்தில் வாயில் பரோட்டாவுடன் ஆண் சடலம்! பிரேத பரிசோதனையில் பரபர தகவல் | Corpse Recovered From Actor Vijay Office

அங்கிருந்த மேஸ்திரியிடம் தனக்கு பசிப்பதாகவும், புரோட்டா வாங்க 100 ரூபாய் தரும் படி கேட்டு பெற்று கொண்டு ஹொட்டலுக்கு சென்றதாக கூறப்படுகிறது. இந்நிலையில் மறுநாள் காலையில் அலுவலக வளாகத்தின் சுவறை ஒட்டிய உள்பகுதியில் கையிலும் வாயிலும் பரோட்டாவுடன் பிரபாகரன் இறந்து கிடந்ததை பார்த்து சக ஊழியர்கள் அதிர்ச்சி அடைந்துள்ளனர்.

தகவல் அறிந்து வந்த பொலிசார் பிரபாகரனின் சடலத்தை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். பிரேத பரிசோதனை அறிக்கை குறித்து பொலிசார் கூறுகையில், குடிபோதையில் இருந்த பிரபாகரன் பரோட்டா சாப்பிட்டிருக்கிறார்.

அப்போது பரோட்டா மூச்சு குழாய் பாதை வழியாக சென்று நுரையீரல் பாதையை அடைந்ததால் பிரபாகரன் மூச்சு விட முடியாமல் உயிரிழந்தார் என தெரிவித்துள்ளனர்.

மேலும் பொழுதுபோக்கு செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்