லங்காசிறி FM
41 வயதில் முதல் இரட்டை சதம் அடித்த ஜிம்பாப்வே வீரர்
Craig ervine maiden test double century: ஆப்கானிஸ்தான் அணிக்கு எதிரான முதல் டெஸ்டில் கிரேக் எர்வின் இரட்டைசதம் அடித்தார்.
ஷார்ஜாவில் நடந்து வரும் ஆப்கானிஸ்தானுக்கு எதிரான முதல் டெஸ்டில், ஜிம்பாப்வே அணி வீரர் கிரேக் எர்வின் தனது முதல் இரட்டைசதத்தினை பதிவு செய்தார்.
முதல் டெஸ்ட்
ஜிம்பாப்வே மற்றும் ஆப்கானிஸ்தான் அணிகளுக்கு இடையிலான முதல் டெஸ்ட் போட்டி ஷார்ஜாவில் நடந்து வருகிறது. ஜிம்பாப்வே முதல் இன்னிங்சில் 504 ஓட்டங்களும், ஆப்கானிஸ்தான் 514 ஓட்டங்களும் குவித்தன.
பின்னர் இரண்டாவது இன்னிங்சை தொடங்கிய ஜிம்பாப்வே அணியில், தொடக்க வீரர்கள் சொதப்ப பிரண்டன் டெய்லர் (82), பிரையன் பென்னெட் (58) இருவரும் அரைசதம் அடித்தனர்.
அதிரடியாக ஓட்டங்களை குவித்த கிரேக் எர்வின் (Craig Ervine) இரட்டை சதம் விளாசினார். 41 வயதாகும் எர்வினுக்கு இது முதல் டெஸ்ட் இரட்டை சதம் ஆகும்.
எர்வின் 206
அதேபோல் வெஸ்லி மதேவெரே (Wessly Madhevere) 108 பந்துகளில் தனது முதல் டெஸ்ட் சதத்தை பதிவு செய்தார்.
கடைசி நாள் முடிவில் ஜிம்பாப்வே 5 விக்கெட்டுகள் இழப்பிற்கு 523 ஓட்டங்கள் குவித்திருந்தபோது போட்டி டிராவில் முடிந்ததாக அறிவிக்கப்பட்டது.
எர்வின் 2 சிக்ஸர்கள், 23 பவுண்டரிகளுடன் 206 (279) ஓட்டங்களும், வெஸ்லி மதேவெரே 3 சிக்ஸர்கள், 2 பவுண்டரிகளுடன் 100 ஓட்டங்களும் எடுத்து களத்தில் இருந்தனர்.
தாவடி, கொக்குவில் மேற்கு, கொழும்பு, அமெரிக்கா, United States, கனடா, Canada
09 Nov, 2023
அனலைதீவு, நீர்கொழும்பு, யாழ்ப்பாணம், கிளிநொச்சி, Mississauga, Canada
07 Nov, 2026
பருத்தித்துறை, London, United Kingdom
19 Oct, 2025
