லங்காசிறி FM
அமெரிக்க விமான விபத்தில் சிக்கிய ரஷ்ய உலக சேம்பியன் தம்பதி
ரொனால்ட் ரீகன் தேசிய விமான நிலையத்திற்கு அருகே விபத்துக்குள்ளான அமெரிக்கன் ஏர்லைன்ஸ் பிராந்திய பயணிகள் விமானத்தில் பல ஸ்கேட்டிங் வீரர்கள் பயணப்பட்டுள்ளதாக அதிர்ச்சி தகவல் வெளியாகியுள்ளது.
சேம்பியன் தம்பதி
64 பயணிகள் மற்றும் ஊழியர்களுடன் வாஷிங்டன் நோக்கி பயணப்பட்ட அந்த விமானமானது அமெரிக்க இராணுவ ஹெலிகொப்டர் ஒன்றுடன் நடு வானில் மோதி விபத்தில் சிக்கியது.
இந்த நிலையில், ரஷ்யாவை சேர்ந்த உலக ஸ்கேட்டிங் சேம்பியன் தம்பதியும் அவர்களின் மகனும் இந்த விபத்தில் சிக்கியுள்ளதாக தகவல் வெளியாகியுள்ளது.
அமெரிக்காவில் உள்ள ஸ்கேட்டிங் நிர்வாகம் வெளியிட்டுள்ள தகவலில், கன்சாஸில் நடந்த அமெரிக்க சேம்பியன்ஷிப் போட்டிகளுடன் இணைந்து நடைபெற்ற தேசிய மேம்பாட்டு முகாமில் இருந்து விளையாட்டு வீரர்கள், பயிற்சியாளர்கள் மற்றும் குடும்ப உறுப்பினர்கள் பலர் அந்த விமானத்தில் திரும்பிக் கொண்டிருந்ததாக குறிப்பிட்டுள்ளனர்.
அத்துடன் தொடர்ந்து நிலைமையைக் கண்காணித்து வருவதாகவும், கிடைக்கும் கூடுதல் தகவல்களை துரிதமாக வெளியிட முயற்சிகள் மேற்கொள்வோம் என்றும் தெரிவித்துள்ளனர். இதனிடையே, விபத்தில் சிக்கிய விமானத்தில் ஃபிகர் ஸ்கேட்டிங்கில் ஈடுபட்டிருக்கு குறைந்தது 15 பேர் வரை பயணித்திருக்கலாம் என தகவல் வெளியாகியுள்ளது.
விபத்தில் எத்தனை பேர் இறந்தார்கள் என்பதை அதிகாரிகள் இதுவரை உறுதி செய்யவில்லை, ஆனால் யாரும் உயிர் பிழைத்திருக்க வாய்ப்பில்லை என்று கூறியுள்ளனர்.
அமெரிக்க ஃபிகர் ஸ்கேட்டிங்
இதற்கிடையில், ஐஸ் ஸ்கேட்டிங் பயிற்சியாளர்கள் மற்றும் முன்னாள் உலக சேம்பியன்களான எவ்ஜீனியா ஷிஷ்கோவா மற்றும் வாடிம் நௌமோவ் ஆகியோர் விமானத்தில் இருந்தவர்களில் அடங்குவர் என்று ரஷ்ய அரசு ஊடகங்கள் செய்தி வெளியிட்டுள்ளன.
இவர்களின் மகனும் அந்த விமானத்தில் பயணப்பட்டிருக்கலாம் என்றும் சந்தேகம் தெரிவித்துள்ளனர். அமெரிக்காவில் வசித்து வரும் ஷிஷ்கோவா மற்றும் நௌமோவ் தம்பதி 1994ல் ஜோடி ஃபிகர் ஸ்கேட்டிங்கில் உலக சேம்பியன் பட்டத்தை வென்றனர்.
தற்போது அவர்கள் இளையோர்களுக்கு பயிற்சி அளித்து வருகின்றனர். இவர்களின் மகன் மாக்சிம் நௌமோவ், கன்சாஸில் நடந்த அமெரிக்க ஃபிகர் ஸ்கேட்டிங் சேம்பியன்ஷிப்பில் போட்டியிட்டுக் கொண்டிருந்தார்.
சோவியத் யூனியனுக்காகப் போட்டியிட்ட முன்னாள் ஸ்கேட்டர் இன்னா வோலியன்ஸ்காயாவும் இந்த விமானத்தில் பயணப்பட்டதாகக் கூறப்படுகிறது. அவர் வாஷிங்டன் ஃபிகர் ஸ்கேட்டிங் கிளப்பில் பயிற்சியாளராக செயல்பட்டு வந்துள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
வேலணை, Ottawa, Canada, Torcy, France, Val-d'Arc, France
30 Jan, 2022
இளவாலை, யாழ்ப்பாணம், Tororo, Uganda, Cambridge, United Kingdom, London, United Kingdom
17 Jan, 2025
சுதுமலை, மருதனாமடம், வவுனியா, கொழும்பு, Harrow, United Kingdom, Coventry, United Kingdom
22 Jan, 2025
நயினாதீவு, நெதர்லாந்து, Netherlands, பிரித்தானியா, United Kingdom
25 Jan, 2021
