லங்காசிறி FM
54 ஓட்டங்களில் சுருண்டு படுதோல்வி: வங்காளதேசத்தை சரித்த ஒற்றை வீரர்
வங்காளதேச அணிக்கு எதிரான பயிற்சி டெஸ்டில் கிரிக்கெட் அவுஸ்திரேலியா லெவன் இன்னிங்ஸ் மற்றும் 38 ஓட்டங்கள் வித்தியாசத்தில் வெற்றி பெற்றது.
பயிற்சி டெஸ்ட் போட்டியில் கிரிக்கெட் அவுஸ்திரேலியா லெவன் இன்னிங்ஸ் மற்றும் 38 ஓட்டங்கள் வித்தியாசத்தில் வங்காளதேசத்தை வீழ்த்தியது.
மெஹிதி ஹசன் மிராஸ் 109 ஓட்டங்கள்
டார்வினில் நடந்த பயிற்சி டெஸ்டில் வங்காளதேசம் மற்றும் கிரிக்கெட் அவுஸ்திரேலியா லெவன் அணிகள் மோதின.
வங்காளதேச அணி முதல் இன்னிங்ஸில் 263 ஓட்டங்களுக்கு ஆல்அவுட் ஆனது. மெஹிதி ஹசன் மிராஸ் 109 ஓட்டங்கள் (4 சிக்ஸர்கள், 11 பவுண்டரிகள்) குவித்தார். கோரி ரோச்சிச்சியொலி 6 விக்கெட்டுகள் வீழ்த்தினார்.
பின்னர் முதல் இன்னிங்ஸை ஆடிய கிரிக்கெட் அவுஸ்திரேலியா லெவன் 355 ஓட்டங்கள் குவித்தது. டீகியூ வைல்லி 130 ஓட்டங்களும், ஜேக் டோரன் 76 ஓட்டங்களும் எடுத்தனர்.
கேம்பல் தாம்ஸன்
அடுத்து இரண்டாவது இன்னிங்ஸை ஆடிய வங்காளதேச அணி கேம்பல் தாம்ஸனின் (Campbell Thompson) மிரட்டலான பந்துவீச்சில் 54 ஓட்டங்களுக்கு சுருண்டது.
தன்ஸித் ஹஸனை (22 ஓட்டங்கள்) தவிர ஏனைய வீரர்கள் ஒற்றை இலக்க ரன்னில் ஆட்டமிழந்தனர். கேம்பல் தாம்ஸன் 8 விக்கெட்டுகள் வீழ்த்தினார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
