லங்காசிறி FM
2026 காமன்வெல்த் விளையாட்டுகளில் இருந்து கிரிக்கெட் நீக்கம்
Ragavan
in கிரிக்கெட்
கிளாஸ்கோவில் (Glasgow) நடைபெறவுள்ள 2026 காமன்வெல்த் விளையாட்டுகளில் (CWG) கிரிக்கெட் இடம்பெறாது.
ஜூலை 23 முதல் ஆகஸ்ட் 2 வரை நடைபெறும் இந்தப் போட்டியில் மொத்தம் 10 விளையாட்டு பிரிவுகள் மட்டுமே உள்ளன.
2022 CWG-யில் பெண்களின் T20 கிரிக்கெட் இடம்பெற்றதுடன், இதற்கு முன் 1998 காமன்வெல்த் போட்டிகளில் ஆண்களின் ODI கிரிக்கெட் இடம்பெற்றது குறிப்பிடத்தக்கது.
இம்முறை கிரிக்கெட் மட்டுமல்லாமல் ஹாக்கி, பேட்மிண்டன், ஷூட்டிங், மல்லவியல் போன்ற பல விளையாட்டுகளும் நீக்கப்பட்டுள்ளன.
காமன்வெல்த் விளையாட்டு கூட்டமைப்பு (CGF) சிஇஒ கேட்டி சாட்லேர் இதுகுறித்து கூறியதாவது, "இந்த விளையாட்டுகள் எதிர்கால காமன்வெல்த் போட்டிகளுக்கான துவக்கமாகும். குறைந்த செலவில், சுற்றுச்சூழல் பாதிப்பை குறைத்து, சமூக நன்மைகளை அதிகரிக்கும் வகையில் நடத்த திட்டமிடப்பட்டுள்ளது," என்று தெரிவித்துள்ளார்.
பட்ஜெட் கட்டுப்பாடுகள் இதற்குக் காரணமாக இருக்கலாம். முன்னதாக விக்டோரியா நீங்கியதால், கிளாஸ்கோ ஒழுங்கமைப்புக்கான பொறுப்பை ஏற்றுள்ளது. புதிய இடங்கள் அமைக்காமல், உள்ளமைந்ததையே பயன்படுத்துவது இந்த மாற்றத்திற்கு வழிவகுத்திருக்கிறது.
கிரிக்கெட், 2028 லாஸ் ஏஞ்சல்ஸ் ஒலிம்பிக்ஸில் 128 ஆண்டுகளுக்குப் பிறகு ஆண்கள் மற்றும் பெண்கள் T20 வடிவில் இடம்பிடிக்க உள்ளது.
2022 CWG-யில் அவுஸ்திரேலியா பெண்கள் T20 போட்டியில் இந்தியாவை தோற்கடித்து தங்கம் வென்றது. 1998 CWG-ல் ஆண்கள் 50 ஓவர் போட்டியில் தென் ஆப்பிரிக்கா தங்கம், அவுஸ்திரேலியா வெள்ளி, நியூசிலாந்து வெண்கலம் பெற்றது.
இதேபோல், ஆசிய விளையாட்டுப் போட்டிகளிலும் கிரிக்கெட் இடம்பிடித்தது. ஹாங்க்ழோ 2022-ல், இந்தியா ஆண்கள் மற்றும் பெண்கள் T20 பிரிவுகளில் தங்கம் வென்றது.
2028 ஒலிம்பிக்ஸில் கிரிக்கெட்டை சேர்ப்பதற்கான தீர்மானம் மும்பையில் நடந்த சர்வதேச ஒலிம்பிக் குழு கூட்டத்தில் எடுத்துக் கொள்ளப்பட்டது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Cricket dropped from Glasgow 2026 Commonwealth Games schedule
