லங்காசிறி FM
ICC T20 தரவரிசை வெளியீடு., முதலிடத்தில் சூர்யகுமார் யாதவ், ஸ்டோய்னிஸ், அடில் ரஷித்
டி20 உலகக் கோப்பை தொடர் நடைபெற்று வரும் நிலையில், ஐசிசி சமீபத்திய டி20 தரவரிசைப் பட்டியலை இன்று (புதன்கிழமை) வெளியிட்டது.
ICC Men's T20I All-Rounder Rankings
ஐசிசி சர்வதேச டி20 ஆல்-ரவுண்டர் தரவரிசைப் பட்டியலில், அவுஸ்திரேலியாவின் மார்கஸ் ஸ்டோய்னிஸ் (Marcus Stoinis) ஆப்கானிஸ்தான் வீரர் முகமது நபியை (Mohammad Nabi) பின்னுக்கு தள்ளி முதலிடத்தை பிடித்துள்ளார்.
நடப்பு டி20 உலகக் கோப்பைப் பதிப்பில், ஸ்டோனிஸ் 6 விக்கெட்டுகளை வீழ்த்தியது மட்டுமின்றி, பேட்டிங்கிலும் சிறப்பாக செயல்பட்டார்.
தற்போது நபி மூன்று இடங்களை இழந்து நான்காவது இடத்திற்கு தள்ளப்பட்டார்.
இலங்கை கேப்டன் வனிந்து ஹசரங்க (Wanindu Hasaranga) இரண்டாவது இடத்திலும், பங்களாதேஷ் வீரர் ஷகிப் அல் ஹசன் (Shakib AL HASAN) மூன்றாவது இடத்திலும் உள்ளனர்.
இலங்கை அணியில் ஹசரங்க மட்டுமே டாப்-10 ஆல்ரவுண்டர்களில் இடம் பிடித்தார்.
ஜிம்பாப்வேயின் ஆல்ரவுண்டர் சிக்கந்தர் ராசா (Sikandar Raza) ஆறாவது இடத்தில் நீடிக்கிறார்.
இந்திய அணியின் ஆல்ரவுண்டர் ஹர்திக் பாண்டியா (Hardik Pandya) ஏழாவது இடத்தில் நீடிக்கிறார். மூன்று போட்டிகளில் தனது சிறப்பான பந்துவீச்சினால் பாண்டியா தரவரிசையில் ஒருபடி முன்னேறியுள்ளார். இந்திய அணியில் இருந்து பாண்டியா மட்டுமே டாப்-10 ஆல்ரவுண்டர்களில் இடம் பிடித்தார்.
ICC Men's T20I Bowling Rankings
டி20 பந்துவீச்சாளர்கள் தரவரிசையில் இங்கிலாந்தின் அடில் ரஷித் (Adil Rashid) தொடர்ந்து முதலிடத்தில் நீடிக்கிறார்.
மேற்கிந்திய தீவுகளின் இடது கை சுழற்பந்து வீச்சாளர் அகில் உசேன் (Akeal Hosein) 2வது இடத்தில் நீடிக்கிறார்.
இலங்கையின் வனிந்து ஹசரங்க மூன்றாவது இடத்திலும், ஆப்கானிஸ்தான் பந்துவீச்சாளர் ரஷித் கான் (Rashid Khan) நான்காவது இடத்திலும் உள்ளனர்.
தென் ஆப்பிரிக்க பந்துவீச்சாளர் ஹென்ரிச் நார்டெஜே (Anrich NORTJE) ஐந்தாவது இடத்திலும், ஆப்கானிஸ்தான் பந்துவீச்சாளர் ஃபசல்ஹக் ஃபரூக்கி (Fazalhaq FAROOQI) 6வது இடத்திலும் உள்ளனர்.
இந்திய சுழற்பந்து வீச்சாளர் அக்ஷர் படேல் (Axar Patel) 9வது இடத்தில் நீடிக்கிறார்.
ICC Men's T20I Batting Rankings
டி20 பேட்ஸ்மேன்களில் சூர்யகுமார் யாதவ் (Suryakumar Yadav) முதலிடத்தில் உள்ளார்.
பில் சால்ட் (Phil SALT), பாபர் அசாம் (Babar AZAM) மற்றும் முகமது ரிஸ்வான் (Mohammad RIZWAN) ஆகியோர் இரண்டு, மூன்று மற்றும் நான்காவது இடங்களைப் பிடித்துள்ளனர்.
அவுஸ்திரேலிய தொடக்க ஆட்டக்காரர் டிராவிஸ் ஹெட் (Travis HEAD) ஐந்து இடங்கள் முன்னேறி ஐந்தாவது இடத்தைப் பிடித்துள்ளார், அதே நேரத்தில் வெஸ்ட் இண்டீஸ் விக்கெட் கீப்பர்-பேட்ஸ்மேன் நிக்கோலஸ் பூரன் (Nicholas POORAN) 11 வது இடத்தில் இருக்கிறார். மேற்கிந்தியத் தீவுகளின் ஷெர்பான் ரூதர்ஃபோர்ட் 43 இடங்கள் முன்னேறி 42-வது இடத்தைப் பிடித்துள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
ICC WORLD RANKINGS, ICC Men's T20I Batting Rankings, ICC Men's T20I Bowling Rankings, ICC Men's T20I All-Rounder Rankings, Marcus Stoinis, Suryakumar Yadav, Wanindu Hasaranga
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
