IPL 2025: மீண்டும் RCB கேப்டனாக கோலி.! இறுதி முடிவுக்காக காத்திருக்கும் ரசிகர்கள்

ராயல் சேலஞ்சர்ஸ் பெங்களூரு (Royal Challengers Bengaluru) அணியின் கேப்டனாக விராட் கோலி மீண்டும் அணியை வழிநடத்தவுள்ளதாக தகவல் வெளியாகியுள்ளது. 

கோலி ஏற்கனவே RCB நிர்வாகத்துடன் ஆலோசித்து கேப்டன் பதவிக்கு திரும்ப தயாராக இருப்பதாக ஊடக அறிக்கைகள் தெரிவிக்கின்றன.

100 நாடுகளுக்கு ஆயுதங்களை ஏற்றுமதி செய்யும் இந்தியா! முன்னிலையில் அமெரிக்கா, பிரான்ஸ், அர்மீனியா

இருப்பினும், நவம்பரில் நடைபெறவுள்ள மெகா ஏலத்திற்குப் பின்னரே அதன் இறுதி முடிவு எடுக்கப்படும்.

கோலி 9 சீசன்களுக்கு ஆர்சிபி அணியின் கேப்டனாக இருந்தார், ஆனால் 2021-இல், அவர் கேப்டன் பதவியை விட்டு வெளியேறினார்.

இதற்குப் பிறகு, 2022-இல், ஃபாஃப் டு பிளெசிஸ் கடந்த மூன்று சீசன்களில் அணியின் தலைமை பொறுப்பை ஏற்றார். 40 வயதான டு பிளெசிஸ் அடுத்த சீசனில் தக்கவைக்க வாய்ப்பில்லை.

தக்கவைக்க கடைசி நாள் அக்டோபர் 31 ஐபிஎல் மெகா ஏலம்-2024 க்கான வீரர்களை தக்கவைப்பதற்கான கடைசி தேதி அக்டோபர் 31 வியாழக்கிழமை ஆகும்.

நாளை மாலை 5 மணிக்கு முன்பு, அனைத்து உரிமையாளர்களும் தங்கள் தக்கவைக்கப்பட்ட வீரர்களின் பெயர்களை ஐபிஎல் ஏற்பாட்டுக் குழுவுக்கு அனுப்புவார்கள். இந்த பட்டியலை வைத்து எந்த வீரர் எந்த அணியுடன் விளையாடுவார் என்பது முடிவு செய்யப்படும்.

பிரித்தானியாவில் குறைந்தபட்ச ஊதியம் 6.7 சதவீதம் உயர்வு.!

விராட் கோலி 2013 முதல் 2021 வரை ஆர்சிபி அணியின் கேப்டனாக இருந்தார். அவரது தலைமையின் கீழ், ஆர்சிபி 2016-இல் இறுதிப் போட்டிக்கு முன்னேறியது, அதில் சன்ரைசர்ஸ் ஹைதராபாத்திடம் தோல்வியை சந்திக்க வேண்டியிருந்தது. ஒட்டுமொத்தமாக, கோலி 143 போட்டிகளுக்கு கேப்டனாக இருந்தார், அதில் 66 போட்டிகள் வெற்றி, 70 தோல்வி.

கடந்த மூன்று சீசன்களில், ஃபாஃப் டு பிளெசிஸின் தலைமையின் கீழ், அணி 2022 மற்றும் 2024 ஆம் ஆண்டுகளில் பிளேஆஃப்களுக்கு முன்னேறியது, இருப்பினும் 2023 இல் அவர்கள் பிளேஆஃப்களைத் தவறவிட்டனர்.

இந்தியாவில் Hayabusa சூப்பர் பைக்குகளை திரும்பப்பெறும் Suzuki.! என்ன பிரச்சினை?

கோலி 2008 முதல் ஆர்சிபியில் உள்ளார். அப்போதிருந்து, அவர் தொடர்ந்து அணியின் ஒரு பகுதியாக இருந்து வருகிறார். 17 ஆண்டுகளில் கோலியை ஆர்சிபி விடுவித்ததில்லை. ஐபிஎல் தொடரில் அதிக ஓட்டங்கள் குவித்த வீரர் என்ற பெருமையையும் பெற்றுள்ளார்.

Virat Kohli captain RCB again in IPL 2025, Virat Kohli, Royal Challengers Bengaluru, RCB, IPL 2025