லங்காசிறி FM
பாகிஸ்தானை துவம்சம் செய்து வரலாற்று வெற்றியை பதிவு செய்த ஆப்கானிஸ்தான்
Arbin
in கிரிக்கெட்
உலகக் கிண்ணம் தொடரின் 22வது லீக் ஆட்டத்தில் பலம் பொருந்திய பாகிஸ்தான் அணியை வீழ்த்தி ஆப்கானிஸ்தான் வெற்றிபெற்றுள்ளது.
முதல் விக்கெட்டுக்கு 56 ஓட்டங்கள்
நாணய சுழற்சியில் வென்ற பாகிஸ்தான் அணி முதலில் துடுப்பாட்டம் தெரிவு செய்தது. அந்த அணியின் தொடக்க ஆட்டக்காரர்களாக இமாம் உல் ஹாக்கும், அப்துல்லா சபீக்கும் களமிறங்கினர்.
இந்த இணை முதல் விக்கெட்டுக்கு 56 ஓட்டங்கள் சேர்த்த நிலையில் பிரிந்தது. இமாம் உல் ஹாக் 17 ஓட்டங்கள் எடுத்து ஆட்டமிழந்தார். இதனை தொடர்ந்து சபீக் மற்றும் கேப்டன் பாபர் அசாம் இணைந்து அணியின் ஸ்கோரை உயர்த்தினர்.
சிறப்பான ஆட்டத்தை வெளிப்படுத்திய சபீக், 58 ஓட்டங்கள் எடுத்து ஆட்டமிழந்தார். ஒருபக்கம் முகமது ரிஸ்வான் 8 ஓட்டங்களில் ஆட்டமிழந்து ஏமாற்றமளித்தார். சிறப்பான ஆட்டத்தை வெளிப்படுத்திய கேப்டன் பாபர் அசாம் 74 ஓட்டங்கள் எடுத்திருந்த நிலையில் கேட்சாகி வெளியேறினார்.
இறுதியில் சதாப் கான் (40) மற்றும் இப்திகார் அகமது (40) ஆகியோரின் அதிரடியினால் பாகிஸ்தான் அணி 50 ஓவர்கள் முடிவில் 5 விக்கெட் இழப்புக்கு 282 ஓட்டங்கள் எடுத்தது.
ஆப்கானிஸ்தான் தரப்பில் அதிகபட்சமாக நூர் அகமது 3 விக்கெட்டுகளை கைப்பற்றினார். இதனையடுத்து 283 ஓட்டங்கள் எடுத்தால் வெற்றி என்ற இலக்குடன் ஆப்கானிஸ்தான் அணி களமிறங்கியது.
முதல் முறையாக
அணியின் தொடக்க ஆட்டக்காரர்களாக குர்பாஸ் மற்றும் இப்ரஹிம் களமிறங்கினர். இருவரும் பாகிஸ்தான் அணியின் பந்துவீச்சை திறம்பட எதிர்கொண்டு ஓட்டங்களை குவித்தனர்.
இந்த ஜோடி முதல் விக்கெட்டுக்கு 130 ஓட்டங்களை சேர்த்த நிலையில் பிரிந்தது. குர்பாஸ் 65 ஓட்டங்கள் எடுத்த நிலையில் ஆட்டமிழந்தார். சதம் அடிப்பார் என எதிர்பார்க்கப்பட்ட இப்ரஹிம், 87 ஓட்டங்கள் எடுத்து ஆட்டமிழந்தார்.
இதன் பின்னர் ரஹ்மத் ஷா மற்றும் கேப்டன் ஹஸ்மத்துல்லா இருவரும் இணைந்து நிதான ஆட்டத்தை வெளிப்படுத்தி அணியை வெற்றிப்பாதைக்கு அழைத்துச்சென்றனர்.
இறுதியில் ஆப்கானிஸ்தான் அணி 49 ஓவர்களில் 2 விக்கெட் மட்டும் இழந்து இலக்கை கடந்து 8 விக்கெட் வித்தியாசத்தில் வெற்றிபெற்றது. மட்டுமின்றி, உலகக் கிண்ணம் தொடரில் முதல் முறையாக பாகிஸ்தான் அணியை வீழ்த்தி ஆப்கானிஸ்தான் வெற்றிபெற்றுள்ளது.
ரஹ்மத் ஷா 77 ஓட்டங்களும், கேப்டன் ஹஸ்ரத்துல்லா 48 ஓட்டங்களும் எடுத்து கடைசி வரை களத்தில் இருந்தனர். இந்த வெற்றியின் மூலம் ஆப்கானிஸ்தான் அணி 4 புள்ளிகளுடன் புள்ளிப்பட்டியலில் 6-வது இடத்தில் உள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
மிருசுவில், தமிழ்நாடு, India, பரிஸ், France, Neuss, Germany
06 Jan, 2023
பாண்டிருப்பு, காரைதீவு, மட்டக்களப்பு, London, United Kingdom
13 Jan, 2018
புங்குடுதீவு 7ம் வட்டாரம், புங்குடுதீவு 10ம் வட்டாரம், Breda, Netherlands
16 Dec, 2021
