ஜேர்மனியில் 2021-ஆம் ஆண்டில் இளைஞர்கள் அதிகம் பயன்படுத்தும் வார்த்தை என்ன தெரியுமா? வெளியான சுவாரசிய தகவல்
2021-ஆம் ஆண்டிற்கான ஜேர்மனியின் இளைஞர் வார்த்தையாக 'Cringe' எனும் ஆங்கில வார்த்தை தேர்ந்தெடுக்கப்பட்டுள்ளது.
ஜேர்மனியின் Langenscheidt வெளியீட்டு நிறுவனம் இன்று வெளியிட்ட அறிக்கையின்படி, ஓன்லைன் வாக்கெடுப்பில் 'Cringe' எனும் ஆங்கில வார்த்தை 42% வாக்குகளைப் பெற்று முதலிடத்தை பிடித்து, ஜேர்மனியின் 'Youth word of the year' என்ற அடையாளத்தை பெற்றுள்ளது.
ஒரு இக்கட்டான சூழ்நிலையை விவரிக்க 'Cringy' அல்லது 'Cringe' என்கிற ஆங்கில வார்த்தை ஜேர்மனியின் இளைஞர்களிடையே பொதுவான பயன்பாட்டில் உள்ளது.
இந்த வார்த்தை 10 முதல் 20 வயதுடையவர்களின் பேச்சில் பயன்பாட்டில் உள்ளது," என்று லாங்கன்ஷெய்ட் கூறுகிறது. கடந்த ஆண்டு இதே 'Cringe' வார்த்தை இரண்டாவது இடத்தைப் பிடித்தது குறிப்பிடத்தக்கது.
அதனைத் தொடர்ந்து "Sus" என்ற வார்த்தை (suspect) இரண்டாவது இடத்தைப் பெற்றது, அதே சமயம் அவநம்பிக்கையை வெளிப்படுத்தும் முறைசாரா ஆங்கில ஆச்சரியமான "sheesh" என்ற வார்த்தை மூன்றாவது இடத்தை பிடித்தது.
கடந்த ஆண்டு "Lost" எனும் ஆங்கில வார்த்தை முதலிடத்தை பிடித்தது குறிப்பிடத்தக்கது.