ஜேர்மனி பெண் அமைச்சரை திடீரென முத்தமிட முயன்ற குரோஷிய அமைச்சர்! வெடித்த சர்ச்சை (வீடியோ)

வெளியுறவு துறை அமைச்சர்களுக்கான சந்திப்பில் ஜேர்மனியின் அன்னாலினாவை குரோஷிய அமைச்சர் முத்தமிட முயன்றது சர்ச்சையானது. 

வெளியுறவுத்துறை அமைச்சர்களான சந்திப்பு

ஜேர்மனியின் பெர்லின் நகரில் ஐரோப்பிய ஒன்றிய நாடுகளின் வெளியுறவுத்துறை அமைச்சர்களான சந்திப்பு நடைபெற்றது. 

இதில் குரோஷியா நாட்டின் அமைச்சர் கோர்டன் க்ரிலிக் ராட்மேனும் (65) இதில் கலந்துகொண்டார். சம்பிரதாயமாக புகைப்படம் எடுக்கும் நிகழ்வின்போது தனது அருகில் நின்றிருந்த ஜேர்மனியின் அமைச்சர் அன்னாலினாவின் கன்னத்தில் ராட்மேன் முத்தமிட முயன்றார்.  

???? Croatian FM Gordan Grlic-Radman made an awkward attempt to kiss his German counterpart Annalena Baerbock at the EU ministerial summit in Berlin

Balkans media and netizens heavily criticized the episode and even branded it ‘sexual harassment’.

Source: @geopolitics_live pic.twitter.com/J0Jg7dI9Kt

— Zlatti71 (@djuric_zlatko) November 4, 2023

ஆனால், சுதாரித்துக் கொண்ட அன்னாலினா அதனை தவிர்த்தார். எனினும் இந்த விடயம் சர்ச்சையாகியது. இதனைத் தொடர்ந்து, குரோஷியாவைச் சேர்ந்த பலர் ராட்மேனை கடுமையாக சாடினர். 

AFP 

மன்னிப்பு கேட்ட குரோஷிய அமைச்சர்

குறிப்பாக, குரோஷிய பெண்கள் உரிமை ஆர்வலரும், முன்னாள் சட்டமன்ற உறுப்பினருமான ராடா போரிக் ''இது முற்றிலும் பொருத்தமற்ற செயல்'' என கண்டித்தார். 

தனது செயலுக்கு பதிலளித்த ராட்மேன், 'ஒரு சக பணியாளரை சந்தித்த மகிழ்ச்சியை மனிதாபிமான அணுகுமுறையில் வெளிப்படுத்தினேன். இந்த சந்திப்பின்போது இவ்வாறு நடந்து கொண்டது பொருத்தமற்ற தருணமாக சிலருக்கு தோன்றலாம். அவ்வாறு நினைப்பவர்களிடம் மன்னிப்பு கோருகிறேன்' என தெரிவித்துள்ளார்.