ஜோர்டான் பட்டத்து இளவரசர் திருமண விழாவில் பிரித்தானிய இளவரசர் வில்லியம்-கேட் தம்பதி- வைரல் புகைப்படங்கள்

ஜோர்டானின் பட்டத்து இளவரசர் ஹுசைன் திருமண விழாவில் பிரித்தானிய இளவரசர் வில்லியம் மற்றும் இளவரசி கேட் கலந்து கொண்ட புகைப்படங்கள் இணையத்தில் வெளியாகியுள்ளன.

ஜோர்டான் பட்டத்து இளவரசர் இரண்டாம் அல் ஹுசைன் பின் அப்துல்லா மத்திய கிழக்கின் பழமையான முடியாட்சிகளில் ஒன்றின் சிம்மாசனத்தின் வாரிசு ஆவார்.

வியாழன் அன்று, இளவரசர் ஜோர்டானின் அம்மானில் உள்ள சஹ்ரான் அரண்மனையில் இஸ்லாமிய முறைப்படி ராஜ்வா அல்சீஃப் என்பவரை மணந்தார். விழாவைத் தொடர்ந்து அல் ஹுசைனியா அரண்மனையில் வரவேற்பு நிகழ்ச்சி நடைபெற்றது.

Courtesy of the Royal Hashemite Court

இதில் பிரித்தானியாவின் வேல்ஸ் இளவரசர் வில்லியம் மற்றும் வேல்ஸ் இளவரசி கேத்தரின் உட்பட உலகப் பிரமுகர்கள் கலந்து கொண்டனர். அரச விழாவான இதில் சுமார் 1700 விருந்தினர்கள் கலந்து கொண்டதாக கூறப்படுகிறது.

டென்மார்க்கின் பட்டத்து இளவரசர் ஃபிரடெரிக் மற்றும் பட்டத்து இளவரசி மேரி, ஸ்வீடன் இளவரசி விக்டோரியா மற்றும் இளவரசர் டேனியல், ஜப்பான் இளவரசி ஹிசாகோ மற்றும் இளவரசி சுகுகோ, நார்வேயின் பட்டத்து இளவரசர் ஹாகோன், கிங் பிலிப் மற்றும் பெல்ஜியம் இளவரசி எலிசபெத், பெல்ஜியம் மன்னர் வில்லெக்ஸன், ராணி மாக்சிமா மற்றும் நெதர்லாந்தின் இளவரசி கேத்தரினா-அமாலியா ஆகியோர் கலந்து கொண்டனர்.

Getty Images

கேட்டின் தாயார் கரோல் மிடில்டன் மற்றும் மூத்த சகோதரி பிப்பா மிடில்டன் ஆகியோர் அமெரிக்க முதல் பெண்மணி ஜில் பைடன் மற்றும் பிறருடன் வரவேற்பு நிகழ்ச்சியில் கலந்து கொண்டனர்.

Courtesy of the Royal Hashemite Court

கேட் மற்றும் வில்லியம் திருமணத்தில் கலந்துகொள்வது இராஜதந்திர ரீதியாக ஒரு முக்கியமான நடவடிக்கை என்று கூறப்படுகிறது. ஏனெனில், லண்டனில் மே 6-ஆம் திகதி நடைபெற்ற மன்னர் மூன்றாம் சார்லஸ் மற்றும் ராணி கமிலா ஆகியோரின் முடிசூட்டு விழாவில் ஹுசைனின் பெற்றோர் கலந்துகொண்டனர். 

அதேபோல், ஜோர்டானுக்கு வில்லியம் வருவது இது முதல்முறை அல்ல. 2018-ஆம் ஆண்டில், பிரிட்டிஷ் சிம்மாசனத்தின் வாரிசாக இருக்கும் வில்லியம், ஜோர்டானுக்கு உத்தியோகபூர்வ விஜயம் செய்தார், அங்கு அவர் ஹுசைனுடன் அதிக நேரத்தை செலவிட்டார்.

Getty Images

கேட் தனது குழந்தைப் பருவத்தில் மூன்று வருடங்களை ஜோர்டானில் கழித்தார், அப்போது அவரது தந்தை பிரிட்டிஷ் ஏர்வேஸ் மூலம் அங்கு பணியமர்த்தப்பட்டார்.

Courtesy of the Royal Hashemite Court

2021-ஆம் ஆண்டில், வில்லியம் மற்றும் கேட் ஆகியோர் தங்கள் குழந்தைகளை 2021 ஆம் ஆண்டில் ஜோர்டானுக்கு குடும்ப விடுமுறையில் அழைத்துச் சென்றனர், மேலும் அந்த ஆண்டு அவர்களின் குடும்ப கிறிஸ்துமஸ் அட்டையாக அவர்கள் வருகையின் புகைப்படத்தை வெளியிட்டனர்.

Courtesy of the Royal Hashemite Court

Courtesy of the Royal Hashemite Court