சிரித்த முகத்தை மட்டுமே காட்டியவர்.., முதல்முறையாக அழுதபடி வீடியோ வெளியிட்ட துருக்கி பிரபலம்

சமூக வலைத்தளங்களில் சிரித்த முகத்துடன் சமைத்து மிகவும் பிரபலமான துருக்கிய சமையல்காரர், இப்போது முதல்முறையாக கண்ணீருடன் வீடியோ வெளியிட்டுள்ளார்.

துருக்கிய சமையல்காரர்

CZN Burak என்று அழைக்கப்படும் Burak Özdemir ஒரு துருக்கிய சமையல்காரர் ஆவார், அவர் துருக்கியில் சொந்தமாக உணவகம் நடத்திவருகிறார். பல்வேறு துருக்கிய மற்றும் சிரிய உணவு வகைகளை சமைக்கும் அவரது தனித்துவமான முறையின் காரணமாக அவர் பிரபலமடைந்தார்.

பெரிய அளவிலான உணவைத் தயாரிக்கும் வீடியோக்கள் சமூக ஊடகங்களில் வைரலானதைத் தொடர்ந்து அவர் புகழ் பெற்றார். கேமராவை மட்டும் பார்த்து எப்போதும் சிரித்த முத்தத்துடன் உணவு தயாரிப்பதில் பெயர் பெற்றவர்.

புராக் உலகம் முழுவதும் கோடிக்கணக்கான ரசிகர்களையும், இன்ஸ்டாகிராமில் 44.8 மில்லியன் பின்தொடர்பாலர்களையும் கொண்டுள்ளார்.

உதவி கோரியுள்ளார்

அவர் தற்போது துருக்கி மற்றும் சிரியாவில் நிலநடுக்கத்தால் பாதிக்கப்பட்டவர்களுக்கு உதவி கோரியுள்ளார். அவர் துருக்கி முழுவதும் பல்வேறு இடங்களுக்குச் சென்று சோகத்தால் பாதிக்கப்பட்ட குடும்பங்கள் மற்றும் சமூகங்களுக்கு உணவு மற்றும் பொருட்களை விநியோகித்தார்.

காட்டுத்தீ போல வைரலான அந்த வீடியோவில், அவர் ஆறுதல் கூற முடியாமல் அழுது புலம்புவதையும், பாதிக்கப்பட்ட மக்களுக்கு உதவி கோருவதையும் காணலாம்.

Never thought I'll get to see a crying face of Czn Burak that's always smiling ??#CznBurak is playing a very important role in helping the affected people#Turkey #earthquake #PrayForTurkey#PrayForAtsu #هزة_أرضية pic.twitter.com/tdIoxC7HXS

— Zia Ullah Khan (@ZiaUlla78414856) February 7, 2023

இவரின் வீடியோவை பார்த்த ரசிகர்கள் அதிர்ச்சி அடைந்தனர் மற்றும் நெட்டிசன்கள் மற்றும் ரசிகர்கள் அதற்கு எதிர்வினையாற்றத் தொடங்கியுள்ளனர். கருத்துப் பிரிவில் உள்ளவர்கள் பாதிக்கப்பட்டவர்களுக்கு உதவ உறுதிமொழி எடுப்பதையும் காணமுடிகிறது.

நிலநடுக்கத்தால் ஏற்பட்ட அழிவுகளின் பல்வேறு வீடியோக்களை CZN பகிர்ந்துள்ளது. துன்பத்தில் உள்ள மக்களுக்கு உதவியதற்காக நெட்டிசன்கள் அவரைப் பாராட்டி வருகின்றனர், மேலும் பாதிக்கப்பட்ட மக்களுக்கு அவர்களின் உதவியை வழங்க மற்றவர்களை ஊக்குவிக்கும் அவரது முயற்சிகளையும் இப்போது பாராட்டுகிறார்கள்.

View this post on Instagram

A post shared by Burak Özdemir (@cznburak)

துருக்கி மற்றும் சிரியாவில் திங்கட்கிழமை ஏற்பட்ட பயங்கர நிலநடுக்கத்தில் சுமார் 21,000 பேர் உயிரிழந்ததாக சமீபத்தில் செய்திகள் வெளியாகியுள்ளன.