லங்காசிறி FM
மகளிர் T20 உலக கிண்ணம்; வயட்-ஹாட்ஜ் சதத்தால் இலங்கையை வீழ்த்திய இங்கிலாந்து
மகளிர் T20 உலக கிண்ணத்தின் முதல் போட்டியில், இலங்கையை வீழ்த்திய இங்கிலாந்து வெற்றி பெற்றுள்ளது.
12 நாடுகள் பங்குபெறும் 2026 மகளிர் T20 உலக கிண்ணம் நேற்று பிரித்தானியாவில் தொடங்கியது.
இலங்கையை வீழ்த்திய இங்கிலாந்து
பர்மிங்காமில் நடைபெற்ற முதல் போட்டியில், இங்கிலாந்து மற்றும் இலங்கை அணிகள் மோதியது. நாணய சுழற்சியில் வென்ற இலங்கை அணி பந்துவீச்சை தேர்வு செய்தது.
இதன்படி முதலில் துடுப்பாட்டம் ஆடிய இங்கிலாந்து அணி, 20 ஓவர்களுக்கு 1 விக்கெட்டை மட்டுமே இழந்து 219 ஓட்டங்கள் குவித்தது.
டி20 உலகக் கிண்ணத்தில் இதுவே இங்கிலாந்தின் அதிகபட்ச ஓட்டங்கள் ஆகும்.
விக்கெட் கீப்பரான amy jones 53 ஓட்டங்களில் ஆட்டமிழந்தார். அடுத்து இறங்கிய அணித்தலைவி Nat Sciver-Brunt, 46 ஓட்டங்களுடன் ஆட்டமிழக்காமல் களத்தில் இருந்தார்.
மறுபுறம் மற்றொரு தொடக்க ஆட்டக்காரரான Danni Wyatt-Hodge, அதிரடியாக ஆடி 105 ஓட்டங்களுடன் களத்தில் இருந்தார்.
220 என்ற வெற்றி இலக்குடன் களமிறங்கிய இலங்கை மகளிர் அணி, 20 ஓவர்கள் முடிவில், 132 ஓட்டங்கள் மட்டுமே எடுத்து அனைத்து விக்கெட்களையும் இழந்து, ஆல் அவுட் ஆனது.
இதன் மூலம் இங்கிலாந்து அணி 87 ஓட்டங்கள் வித்தியாசத்தில் வெற்றி பெற்றது.
இலங்கை தரப்பில் அதிகபட்சமாக Nilakshi de Silva, 39 ஓட்டங்களும், Harshitha Samarawickrama 29 ஓட்டங்களும் குவித்தனர்.
இங்கிலாந்து தரப்பில், Freya Kemp 4 ஓவர்களை வீசி, 22 ஓட்டங்களை விட்டுக்கொடுத்து, 4 விக்கெட்கள் வீழ்த்தி அசத்தினார்.
குழந்தை பிறந்த ஒரு மாதத்தில் சதம்
டானி வயட்-ஹாட்ஜ்ஜின் இந்த சதத்தின் மூலம், முழு உறுப்பினர் அணிகளைச் சேர்ந்த வீராங்கனைகளில், மகளிர் டி20 போட்டிகளில் சதம் அடித்த மிக வயதான வீராங்கனை என்ற பெருமையை பெற்றுள்ளார். தற்போது இவருக்கு 35 வயது ஆகும்.
கடந்த 2024 ஆம் ஆண்டில், ஜார்ஜி ஹாட்ஜ் என்பவரை தன்பாலின திருமணம் செய்து கொண்ட இவர், கடந்த மே 20 ஆம் திகதி முதல் மகளான டெய்சியைப் பெற்றெடுத்தார்.
தனது மகள் டெய்சி இந்த சதமடிக்க தனக்கு உத்வேகமாக இருந்ததாக தெரிவித்துள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
சுண்டிக்குளி, கொய்யாத்தோட்டம், யாழ்ப்பாணம், கொழும்பு, இத்தாலி, Italy, சுவிஸ், Switzerland
12 Nov, 2021
பருத்தித்துறை, மன்னார், Chavakacheri, புலோலி, Lewisham, United Kingdom
03 Oct, 2026
வல்வெட்டித்துறை, Chennai, India, London, United Kingdom
20 Oct, 2016
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024