தமிழ்நாட்டில் அதிகரிக்கும் ஆண்களின் இள வயது மரணம்; என்ன காரணம்?

Tamil nadu Death

By Karthikraja Sep 29, 2026 11:42 AM GMT

Karthikraja

in இந்தியா

Report

data says mens dying at younge age in tamilnadu: தமிழ்நாட்டில் இளம் வயதிலே பெண்களை விட ஆண்கள் அதிகளவில் உயிரிழப்பதாக ஆய்வில் தெரியவந்துள்ளது.

தமிழ்நாட்டில் அதிகரிக்கும் ஆண்கள் இள வயது மரணம்

தமிழ்நாட்டில், கடந்த 2025 ஆம் ஆண்டில், தமிழ்நாட்டில் 4,01,860 ஆண்களும் 2,91,347 பெண்களும் உயிரிழந்துள்ளனர்.

தமிழ்நாட்டில் அதிகரிக்கும் ஆண்களின் இள வயது மரணம்; என்ன காரணம்? | Data Says Mens Dying At Young Age In Tamilnadu

பெண்களைவிட 1,10,513 ஆண்கள் உயிரிழந்துள்ளனர். இந்த வேறுபாடு 2023 ஆம் ஆண்டில் 1.10 லட்சமாகவும், 2024 ஆம் ஆண்டில் 1.07 லட்சமாகவும் இருந்துள்ளது.

இதில், 86% உயிரழப்புகள் 15 முதல் 64 வயதுக்கு உட்பட்ட ஆண்கள் ஆகும்.

பள்ளி கல்லூரி படிப்பை முடிக்கும் 15 முதல் 24 வயதில் 9,167 ஆண்களும், 4,461 பெண்களும் உயிரிழந்துள்ளனர்.

வேலைக்கு சென்று, திருமண வாழ்வை தொடங்கும் 25 முதல் 34 வயதில். 17,135 ஆண்களும், 6,177 பெண்களும் உயிரிழந்துள்ளனர்.

35 முதல் 44 வயதில், 31,585 ஆண்களும், 11,406 பெண்களும், 45 முதல் 54 வயதில், 54,743 ஆண்களும், 26,269 பெண்களும், 55 முதல் 64 வயதில், 81,840 ஆண்களும், 51,365 பெண்களும் உயிரிழந்துள்ளனர்.

இளம் வயதில் ஆண்கள் உயிரிழப்பது அவர்களின் மனைவி, குழந்தைகள் உட்பட குடும்பத்தினரை ஆதரவற்றவர்களாக்கி சமூக பிரச்சினையாக உருவெடுக்கிறது.

தமிழ்நாட்டில் பதிவாகும் மொத்த மரணங்களில் வெறும் 41% உயிரிழப்புகளுக்கு மட்டுமே முறையான மருத்துவச் சான்றிதழ் வழங்கப்படுகிறது.

அதாவது 10-ல் 6 உயிரிழப்புகள் மருத்துவமனைக்கு வெளியே வீடுகளிலேயே நிகழ்வதால் எந்த காரணத்தால் இறந்தார்கள் என்பதைத் தெளிவாகக் கண்டறிவதில் அரசுக்குச் சவால் உள்ளது.

ஆண்கள் அதிகளவில் உயிரிழப்பதற்கான காரணங்களாக சாலை விபத்துகள், தானே உயிரை மாய்த்து கொள்வது, புகை, மது போன்ற போதை பழக்கங்கள், சரியான காலத்தில் கண்டறியப்படாத இதய, சிறுநீரக, வளர்ச்சிதை நோய்கள் ஆகியவை இருப்பதாக கருதப்படுகிறது.

மேலும் இந்தியா செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்