முதல் இன்னிங்ஸில் 2, இரண்டாவது இன்னிங்ஸில் 108 ஓட்டங்கள்: டீன் எல்கர் அபாரம்

England Cricket Team South Africa National Cricket Team

By Sivaraj Sep 27, 2026 08:31 AM GMT

Sivaraj

in கிரிக்கெட்

Report

Dean elgar 108 runs vs glamorgan: கவுண்டி சாம்பியன்ஷிப் டெஸ்டில் டீன் எல்கர் 108 ஓட்டங்கள் விளாசினார்.

கிளாமோர்கன் அணிக்கு எதிரான கவுண்டி சாம்பியன்ஷிப் டெஸ்டில், டீன் எல்கர் சதம் அடிக்க எசெக்ஸ் 5 விக்கெட்டுகள் இழப்பிற்கு 331 ஓட்டங்கள் எடுத்துள்ளது.

505 ஓட்டங்கள்

கார்டிப்பில் நடந்து வரும் கவுண்டி சாம்பியன்ஷிப் டெஸ்டில், கிளாமோர்கன் மற்றும் எசெக்ஸ் அணிகள் மோதி வருகின்றன.

Dean Elgar

கிளாமோர்கன் முதல் இன்னிங்ஸில் 505 ஓட்டங்கள் குவித்தது. அஸா ட்ரைப் 184 ஓட்டங்களும், கிரண் கார்லஸன் 107 ஓட்டங்களும் எடுத்தனர்.

ஜமன் அக்தர் 5 விக்கெட்டுகளும், சாம் குக் மற்றும் மேத்யூ கிரிட்க்லே தலா 2 விக்கெட்டுகளும், சைமன் ஹார்மர் ஒரு விக்கெட்டும் கைப்பற்றினர்.

ஃபாலோ-ஆன்

பின்னர் முதல் இன்னிங்ஸை ஆடிய எசெக்ஸ் 129 ஓட்டங்களுக்கு சுருண்டு ஃபாலோ-ஆன் ஆனது. ஜைன்-உல்-ஹசன் 5 விக்கெட்டுகளும், ரேமண்ட் டூல் 3 விக்கெட்டுகளும் வீழ்த்தினர்.

அடுத்து இரண்டாவது இன்னிங்ஸை ஆரம்பித்த எசெக்ஸ் அணியில் டாம் வெஸ்லே 65 ஓட்டங்கள் எடுத்து வெளியேற, டீன் எல்கர் (Dean Elgar) 108 ஓட்டங்கள் எடுத்தார்.

மூன்றாம் நாள் ஆட்டநேர முடிவில் எசெக்ஸ் அணி 5 விக்கெட்டுகள் இழப்பிற்கு 331 ஓட்டங்கள் குவித்துள்ளது. ஜார்ஜ் பெல் 59 ஓட்டங்களுடன் களத்தில் உள்ளார்.

Dean Elgar