மகளிர் ஆசிய கிண்ணம்; தாய்லாந்தை வீழ்த்திய இந்தியா - தீப்தி சர்மா உலக சாதனை

மகளிர் ஆசிய கிண்ண போட்டியில், இந்தியா தாய்லாந்தை வீழ்த்தியுள்ளது.

தாய்லாந்தை வீழ்த்திய இந்தியா

2026 மகளிர் ஆசிய கிண்ணம் கடந்த ஆகஸ்ட் 28 ஆம் திகதி தொடங்கி ஐக்கிய அரபு அமீரகத்தில் நடைபெற்று வருகிறது. 

நேற்று நடைபெற்ற இந்தியா மற்றும் தாய்லாந்து அணிகளுக்கு இடையேயான போட்டியில் நாணய சுழற்சியில் வென்ற தாய்லாந்து முதலில் பந்துவீச்சை தேர்வு செய்தது.

முதலில் துடுப்பாட்டம் ஆடிய இந்திய மகளிர் அணி, 20 ஓவர்கள் முடிவில் 9 விக்கெட் இழப்பிற்கு 159 ஓட்டங்கள் குவித்தது. 

அதிகபட்சமாக இந்தியா தரப்பில் சஃபாலி வர்மா 64 ஓட்டங்கள் குவித்தார். தாய்லாந்து தரப்பில் சுலீபோர்ன் லாவோமி 4 விக்கெட்களை கைப்பற்றினார்.

160 ஓட்டங்கள் என்ற வெற்றி இலக்குடன் களமிறங்கிய தாய்லாந்து மகளிர் அணி, 16.1 ஓவர்களில் 65 ஓட்டங்கள் மட்டுமே குவித்து அனைத்து விக்கெட்களையும் இழந்து ஆல் அவுட் ஆனது. 

இதன் மூலம், 94 ஓட்டங்கள் வித்தியாசத்தில் இந்திய மகளிர் அணி வெற்றி பெற்றது.

தீப்தி சர்மா உலக சாதனை

1.1 ஓவர்கள் வீசி ஓட்டங்கள் எதுவும் வழங்காமல், 3 விக்கெட்களை கைப்பற்றிய தீப்தி சர்மா புதிய சாதனையை படைத்துள்ளார். 

இதன் மூலம், சர்வதேச மகளிர் டி20 கிரிக்கெட்டில் அதிக விக்கெட்டுகள் வீழ்த்திய வீராங்கனை என்ற உலக சாதனையை தீப்தி சர்மா படைத்துள்ளார். 

மகளிர் சாம்பியன்ஸ் டிராபி தொடர்: நடத்தும் உரிமையை இழந்த இலங்கை

முன்னதாக, தாய்லாந்து வீராங்கனை புத்தாவோங் 170 ஓட்டங்களுடன் முதலிடத்தில் இருந்த நிலையில், 171 விக்கெட்களை கைப்பற்றி முதலிடம் பிடித்துள்ளார்.

மேலும், ஹர்மன்பிரீத் கவுர், ஸ்மிருதி மந்தனாவுக்குப் பிறகு, 150 சர்வதேச T20 போட்டிகளில் விளையாடிய 3வது இந்திய வீராங்கனை என்ற பெருமையை தீப்தி ஷர்மா பெற்றுள்ளார்.