ரூ.2 லட்சத்தில் ஆரம்பித்த வேலை, இப்போது தினமும் ரூ.5 கோடி நன்கொடை - யார் இந்த டெல்லியின் பணக்காரர்?

நாட்டின் மிகப் பெரிய பணக்காரர் என்று சொன்னால் முகேஷ் அம்பானியின் பெயர்தான் வரும். ஆனால் டெல்லியில் அதிக சொத்து வைத்திருப்பவர் யார்? என்று கேட்டால் நீங்கள் யோசிக்க வேண்டிய நேரம் இருக்கும்.

இந்த நபர் ரூ.2 லட்சத்திற்கும் குறைவாக தனது தொழிலை தொடங்கி இன்று ரூ.3 லட்சம் கோடிக்கு கொண்டு சென்றுள்ளார். அவர் வேறுயாருமில்லை, HCL Technologies நிறுவனர் ஷிவ் நாடார் தான்.

யார் இந்த ஷிவ் நாடார்?

HCL ஆனது உலக அளவில் ஒரு சிறந்த இந்திய நிறுவனமாக முத்திரை பதித்துள்ளது.  

ஷிவ் நாடார் நாட்டின் பிரபல தொழிலதிபர் மற்றும் HCL டெக்னாலஜிஸ் நிறுவனர் ஆவார்.

கடின உழைப்பு மற்றும் தொலைநோக்கு அடிப்படையில், ஒரு சிறிய நிறுவனத்தை உலகின் மிகப்பெரிய ஐடி நிறுவனங்களில் ஒன்றாக மாற்றினார். 

ஷிவ் நாடார் மற்றும் அவரது நண்பர்கள் ரூ.1.87 லட்சம் முதலீட்டில் HCL நிறுவனத்தை தொடங்கினர்.

குறித்த நிறுவனம் ஆரம்பத்தில் கால்குலேட்டர்கள் மற்றும் நுண்செயலிகளை தயாரிப்பதில் கவனம் செலுத்தியது. 

காலம் செல்ல செல்ல HCL இன்று பெரிய IT நிறுவனமாக மாறிவிட்டது. இன்று HCL இன் வணிகம் உலகின் 60 நாடுகளில் பரவியுள்ளது.

ஷிவ் நாடார் தமிழ்நாட்டின் தூத்துக்குடி மாவட்டத்தில் பிறந்தார். செயின்ட் ஜோசப் ஆண்கள் மேல்நிலைப் பள்ளியில் தனது ஆரம்பக் கல்வியைப் பெற்றார்.

அதன் பிறகு, கோயம்புத்தூரில் உள்ள PSG தொழில்நுட்பக் கல்லூரியில் எலக்ட்ரிக்கல் மற்றும் எலக்ட்ரானிக்ஸ் இன்ஜினியரிங் பட்டம் பெற்றார்.

2008 ஆம் ஆண்டு ஷிவ் நாடார் அவர்களின் சாதனைகளுக்காக இந்திய அரசால் பத்ம பூஷன் விருது வழங்கி கௌரவிக்கப்பட்டார்.

டெல்லியின் பணக்காரர் பட்டியல்

2024 ஆம் ஆண்டின் தொடக்கத்தில் பில்லியனர்கள் பட்டியலில் 200 இந்தியர்களின் பெயர்கள் இடம்பெற்றுள்ளன.

இந்த 200 பேரில் 25 பேர் குறித்த பட்டியலில் முதல் முறையாக இடம் பிடித்துள்ளனர்.

8,300 கோடிக்கு மேல் சொத்துக்களைக் கொண்டுள்ள Zomato இணை நிறுவனர் தீபேந்தர் கோயலின் பெயர் இந்தப் பட்டியலில் முதல்முறையாக இடம்பெற்றுள்ளது.

டெல்லியின் பணக்காரர் பட்டியலில் ஷிவ் நாடார் பெயரும் இடம்பெற்றுள்ளது.

அவருக்கு 35.6 பில்லியன் டாலர்கள் (சுமார் ரூ.2,98,898 கோடி) சொத்துக்கள் உள்ளன. 

டெல்லியின் பணக்கார தொழிலதிபர் என்பதைத் தவிர, இவர் பிறருக்கு உதவி செய்யும் நபரும் ஆவார். நன்கொடை விஷயத்தில் அம்பானியையும், அதானியையும் பின்னுக்கு தள்ளிவிட்டார்.

HCL டெக்னாலஜியின் சந்தை மதிப்பு ரூ.5.15 லட்சம் கோடியாக அதிகரித்துள்ளது. 

தினமும் ரூ.5.5 கோடி நன்கொடை

ஷிவ் நாடார் மற்றும் அவரது குடும்பத்தினர் தொண்டுக்காக உலகம் முழுவதும் அறியப்பட்டவர்கள்.  

அவர் 2022-2023 நிதியாண்டில் ரூ. 2,042 கோடி (தினசரி ரூ. 5.6 கோடி) நன்கொடை அளித்துள்ளார்.

நன்கொடைகள் தவிர, நாடார் சென்னையில் SSN பொறியியல் கல்லூரியைத் தொடங்கினார் மற்றும் HCL டெக்னாலஜிஸ் மூலம் பல கல்வி நிறுவனங்களுக்கு ஆதரவளித்து வருகிறார்.  

தற்போதைய தலைவர் யார்?

40 ஆண்டுகளுக்கும் மேலாக HCL டெக்னாலஜிஸ் நிறுவனத்தை வழிநடத்திய ஷிவ் நாடார், தலைவர் பதவியில் இருந்து விலகி, தனது மகள் ரோஷ்னி நாடார் பொறுப்பை ஒப்படைத்தார். 

ரோஷ்னி நாடார் நாட்டின் பணக்கார பெண்களில் ஒருவர் மற்றும் வணிகத்துடன், அவர் ஒவ்வொரு நாளும் பிறருக்கு உதவும் குடும்ப பாரம்பரியத்தை முன்னெடுத்துச் செல்கிறார்.

இன்று அவர் HCL டெக்னாலஜிஸ் தலைவராக உள்ளார். அவரது கடின உழைப்பு மற்றும் தொலைநோக்கு பார்வையால், அவர் HCL ஐ புதிய உயரத்திற்கு கொண்டு சென்றுள்ளார் என்பது குறிப்பிடத்தக்கது.