பிரித்தானியாவில் 9000 பேருக்கு காத்திருக்கும் வேலைவாய்ப்பு: பிரபல டெலிவரி நிறுவனம் அறிவிப்பு

London United Kingdom Scotland Job Opportunity

By Thiru Jul 29, 2024 11:10 AM GMT

Thiru

in ஐக்கிய இராச்சியம்

Report

டெலிவரி துறையில் முன்னணி நிறுவனமான Evri பிரித்தானியாவில் 9000 பணியிடங்களுக்கு ஆட்களை பணியமர்த்த திட்டமிட்டுள்ளது.

9000 பேருக்கு வேலை

டெலிவரி துறையில் முன்னணி நிறுவனமான Evri, அப்பல்லோ குளோபல் மேனேஜ்மென்ட்(Apollo Global Management) நிறுவனத்தால் பல பில்லியன் பவுண்டுகளுக்கு கையகப்படுத்தப்பட்டதைத் தொடர்ந்து, பிரித்தானியாவில் 9,000 புதிய பணியாளர்களை நியமிக்க உள்ளது.

ஆன்லைன் டெலிவரி சேவைகளுக்கான அதிகரித்து வரும் தேவையைப் பூர்த்தி செய்வதற்காக அதன் பணியாளர்களை அதிகரித்து செயல்பாடுகளை விரிவுபடுத்துவதே இதன் நோக்கமாக பார்க்கப்படுகிறது.

Delivery firm Evri Hire 9,000 Staff in UK

அஞ்சலர்கள்(couriers), கிடங்கு ஊழியர்கள்(warehouse staff) மற்றும் பிற துணைப் பணியாளர்கள் என அனைத்து நிலைகளிலும் இந்த புதிய பணியாளர் தேர்வு பிரித்தானியா முழுவதும் நடைபெறும் என தெரிவிக்கப்பட்டுள்ளது.

ஸ்காட்லாந்து, சஃபோக்கில்(Suffolk) உள்ள பரி செயிண்ட் எட்மண்ட்ஸ்(Bury St Edmunds), டெவானில்(Devon) உள்ள பிளைமவுத்(Plymouth) மற்றும் கேட்விக் விமான நிலையம்(Gatwick Airport) ஆகியவை முக்கிய பணியிடங்களாகும்.

இதில், சுமார் 8,000 அஞ்சலர்கள் மற்றும் 1,000 கிடங்கு மற்றும் துணைப் பணியாளர்கள் என மொத்தம் 9,000 பேரை பணியமர்த்த திட்டமிடப்பட்டுள்ளது. அஞ்சலர்களுக்கு மணிக்கு சராசரியாக £16.50 ஊதியம் வழங்கப்படும்.

Delivery firm Evri Hire 9,000 Staff in UK

அதிகரித்த வளர்ச்சி ஆர்வம்

நாள்தோறும் 4 மில்லியன் பொட்டலங்களை டெலிவரி செய்யும் இலக்கை நிர்ணயித்துள்ள நிலையில் இந்த விரிவாக்கம் நடைபெறுகிறது.

சுமார் £2.7 பில்லியனுக்கு அப்பல்லோ குளோபல் மேனேஜ்மென்ட் நிறுவனத்தால் கையகப்படுத்தப்பட்டதைத் தொடர்ந்து Evri நிறுவனத்தின் வளர்ச்சி ஆர்வம் அதிகரித்துள்ளது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள்.

மேலும் ஐக்கிய இராச்சியம் செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்