தனுஷ்- ஐஸ்வர்யா திடீர் விவாகரத்து! ரஜினியின் தற்போதைய நிலை என்ன? வருத்தத்தில் ரசிகர்கள்

பிரபல நடிகர் தனுஷ் அவர்கள் தனது மனைவியை விவாகரத்து செய்வதாக சோசியல் மீடியாவில் பதிவிட்டுள்ளது ரசிகர்களிடையே பெரும் அதிர்ச்சியை ஏற்படுத்தியுள்ளது.

நடிகர் ரஜினிகாந்தின் மூத்த மகளான ஐஸ்வர்யாவும் நடிகர் தனுஷும் காதலித்து திருமணம் செய்து கொண்டனர். கடந்த 2004ஆம் ஆண்டு நவம்பர் 18 ஆம் திகதி சினிமா பிரபலங்கள் அரசியல் பிரபலங்கள் என பலரது முன்னிலையில் திருமணம் கோலாகலமாக நடைபெற்றது.

இவர்களுக்கு இரண்டு மகன்கள் உள்ள நிலையில் இருவரும் திடீரென விவாகரத்து முடிவை அறிவித்திருப்பது கோலிவுட்டில் பரபரப்பை ஏற்படுத்தியுள்ளது. இந்நிலையில் மூத்த மகளின் விவகாரத்தால் ரஜினிகாந்த் மிகவும் வருத்தத்தில் உள்ளார்.

அந்த வகையில் நேற்று காலையில் இருந்தே அவர் வீட்டில் இல்லை என்று கூறப்படுகிறது. தனிமையை தேடி எங்கோ சென்றிருப்பதாக கூறப்படுகிறது. எவ்ளவோ சொத்துக்கள் இருந்தும் மன நிம்மதி இல்லாத நிலை சூப்பர்ஸ்டாருக்கு வந்துவிட்டதே என அவரது ரசிகர்கள் புலம்புகின்றனர்.

இந்நிலையில் தனுஷுக்கு நெருங்கியவர்கள் சில தகவல்களை வெளியிட்டுள்ளனர். அதாவது, விவாகரத்து பேச்சுவார்த்தை பல மாதங்களாகவே நடந்து வருகின்றது. ஒவ்வொரு தடவையும் அந்தப் பேச்சு இறுதிக்கு வரும்போது ரஜினி அழைத்து சமாதானம் செய்வார்.

ஆனால் இந்த முறை விவாகரத்து வரை சென்றுள்ளது. சென்ற வருடமே அறிவிக்க இருந்தது ரஜினியின் உடல்நிலையைக் கருதி கைவிடப்பட்டது. மூன்று மாதங்களுக்கு முன்பு தனுஷ், ஐஸ்வர்யா இருவருக்குள்ளும் மீண்டும் ஒருமுறை சமாதானம் பேசப்பட்டிருக்கிறது.

அந்தத் தருணத்தில் தான் சிறந்த நடிகர் விருது வாங்கச் சென்றபோது தனுஷை ஐஸ்வர்யா பாராட்டிப் பதிவிட்டது குறிப்பிடத்தக்கது. இந்நிலையில் குழந்தைகள் இருவரும் தொடர்ந்து ஐஸ்வர்யாவிடமே வளர்வார்கள் என்று எதிர்பார்க்கப்படுகின்றது. 

இப்போது குழந்தைகளுக்குப் பள்ளி விடுமுறை என்பதால் வீட்டிலிருந்து குழந்தைகளை அழைத்துக்கொண்டு கேளம்பாக்கம் பண்ணை வீட்டுக்குப் போகத் திட்டமிட்டிருக்கிறார் ரஜினி. ஐஸ்வர்யா அடுத்து என்ன படம் செய்யலாம் எனத் திட்டமிட்டு இருக்கிறார் என்கிறார்கள்.