லங்காசிறி FM
தவறான தகவல்... மன்னிப்புக் கேட்ட இளவரசி டயானாவின் சகோதரர்
Earl Spencer apologizes to Piers Morgan over incorrect detail: தனது புத்தகத்தில் தவறான தகவல் ஒன்றை வெளியிட்டுள்ளதற்காக இளவரசி டயானாவின் சகோதரர் மன்னிப்புக் கேட்டுக்கொண்டுள்ளார்.
இளவரசி டயானாவின் சகோதரரான எர்ல் ஸ்பென்சர், டயானா குறித்து ஒரு புத்தகத்தை எழுதியுள்ளார்: ‘Swan Song: Diana, My Sister’ என்பது அந்த புத்தகத்தின் பெயர்.
அந்தப் புத்தகத்தில், மன்னர் சார்லஸ் குறித்து சர்ச்சைக்குரிய சில விடயங்களை எழுதியுள்ளார் ஸ்பென்சர்.
தவறான தகவல்...
அதே புத்தகத்தில், இளவரசி டயானா உடற்பயிற்சிக் கூடத்தில் உடற்பயிற்சி செய்யும்போது, அவருக்குத் தெரியாமல் எடுக்கப்பட்ட புகைப்படங்கள் குறித்தும் தன் புத்தகத்தில் குறிப்பிட்டிருந்தார் ஸ்பென்சர்.
அந்தப் படங்கள் டெய்லி மிரரின் சண்டே மிரர் பத்திரிகையில் வெளியாகின. அந்தப் படங்கள் வெளியானதன் பின்னணியில், பிரபல ஊடகவியலாளரான பையர்ஸ் மார்கன் இருப்பதாக தன் புத்தகத்தில் குறிப்பிட்டுள்ளார் ஸ்பென்சர்.
விடயம் என்னவென்றால், அந்தப் படங்கள் வெளியானது, 1993ஆம் ஆண்டு நவம்பர் மாதம் 7ஆம் திகதி.
அப்போது மார்கன் டெய்லி மிரர் பத்திரிகையில் வேலை செய்யவே இல்லை. அவர் 1995ஆம் ஆண்டு அக்டோபர் மாதத்துக்குப் பின்தான் அந்தப் பத்திரிகையில் இணைந்தார்.
ஆக, தன்னைக் குறித்து தவறான தகவலை வெளியிட்டதற்காக, ஸ்பென்சர் மீது வழக்குத் தொடர இருப்பதாக மார்கன் தெரிவித்துள்ளார்.
இந்நிலையில்தான், ஸ்பென்சர், மார்கன் குறித்து தான் தவறாக கணித்து தன் புத்தகத்தில் எழுதிவிட்டதாகக் கூறி, அவரிடம் மன்னிப்புக் கேட்பதாக தெரிவித்துள்ளார்.
என்றாலும், அந்தப் புத்தகத்தை கடைகளிலிருந்து அகற்றவேண்டும் என்று கூறியுள்ள மார்கன், தான் வழக்குத் தொடரப்போவதில் எந்த மாற்றமும் இல்லை என்று கூறியுள்ளார்.
அத்துடன், அந்த வழக்கில் ஏதேனும் இழப்பீடு வழங்கப்படுமானால், அந்தத் தொகை மன்னர் சார்லசுடைய அறக்கட்டளை மற்றும் தொண்டு நிறுவனங்களைச் சென்றடைய வேண்டும் என்றும் கூறியுள்ளார் மார்கன்.
யாழ்ப்பாணம், வவுனியா, கனடா, Canada, Montreal, Canada
31 Aug, 2015
