மகா கும்பமேளாவில் வைரலாகும் மோனாலிசா.., 10 நாட்களில் ரூ.10 கோடி சம்பாதித்தாரா?

மகா கும்பமேளாவில் வைரலாகும் மோனாலிசா என்ற சிறுமி 10 நாட்களில் ரூ.10 கோடி சம்பாதித்ததாக கூறப்படும் தகவலுக்கு அவர் பதில் அளித்துள்ளார்.

யார் இந்த மோனாலிசா?

இந்திய மாநிலமான உத்தர பிரதேசத்தில் நடைபெற்று வரும் மகா கும்பமேளாவில் நிரஞ்சனி அகாடாவில் பக்தர்கள் கூட்டம் அலைமோதுகிறது.

இங்கு இந்தியா மட்டுமல்லாமல் உலகம் முழுவதில் இருந்து சாமியார்கள், பக்தர்கள் என லட்சக்கணக்கானோர் பங்கேற்று வருகின்றனர்.

இந்நிலையில், மகா கும்பமேளாவில் 16 வயதுடைய பாசி மாலை விற்பனை செய்யும் மோனாலிசா போஸ்லே என்ற பெண் சமூக வலைதளங்களில் வைரலாகி வருகிறார்.

திரை நடிகைகளை போன்று இல்லாமல் எதார்த்தமான அழகுடன், மிளிரும் மாநிறத்தில் தனித்துவமான கண்களுடன் பாசி மாலைகள் விற்கும் இவரின் புகைப்படங்கள் சமூக வலைத்தளத்தில் ட்ரெண்டாகி வருகிறது.

இதனால், மகா கும்பமேளாவில் அவரை பேட்டி எடுக்க பல ஊடகங்களும், செல்பி எடுக்க பலரும் அலை மோதுகின்றனர். அவரது வருமானம் குறித்து அதிகாரப்பூர்வ உறுதிப்படுத்தல் எதுவும் இல்லை என்றாலும், யூகங்கள் ஒரு விவாதத்தைத் தூண்டியுள்ளன.

வருமானம்?

இந்நிலையில், 16 வயதான மோனாலிசா 10 நாட்களில் 10 கோடி ரூபாய் சம்பாதித்ததாக கூறப்படுவதை மறுத்துள்ளார்.

அவர் கூறுகையில், "நான் இவ்வளவு சம்பாதித்திருந்தால் இன்னும் ஏன் இங்கு வாழ்ந்து கொண்டு மாலைகளை விற்றுக் கொண்டிருப்பேன்" என்று கூறியுள்ளார்.

50 வயதுக்கு மேல் சாதனை படைத்த 50 பெண்களின் பட்டியலில் இடம்பிடித்த 3 இந்திய பெண்கள்

இதுகுறித்து அவரது தந்தை கூறுகையில், உண்மையில் இந்த புகழானது எங்களது விற்பனையை பாதித்தது. மாலைகள் வாங்குவதை விட, அவருடன் செல்ஃபி எடுப்பதில் மக்கள் ஆர்வம் காட்டினர் என்று அவர் கூறினார்.

முன்னதாக அவர் கூறுகையில் "எனது குடும்பம் மற்றும் எனது சொந்த பாதுகாப்பிற்காக நான் இந்தூருக்கு செல்ல வேண்டும். அடுத்த மகா கும்பத்திற்கு நான் மீண்டும் வரலாம். உங்கள் ஆதரவுக்கும் அன்புக்கும் அனைவருக்கும் நன்றி" என்று கூறியுள்ளார்.