லங்காசிறி FM
நண்பர்களுடன் இரவு தங்கிவிட்டார்... இளம் மருத்துவரிடம் கணவரின் வெறிச்செயல்
அமெரிக்காவின் லாஸ் வேகஸ் நகரில் நண்பர்களுடன் இரவு வெளியே சென்ற மனைவி, வீடு திரும்பாத ஆத்திரத்தில் கத்தியால் கொடூரமாக தாக்கி கொலை செய்த கணவன் கைதாகியுள்ளார்.
கத்திக்குத்து காயங்களுடன் மருத்துவர்
லாஸ் வேகஸ் நகரில் குடும்பத்துடன் குடியிருக்கும் இளம் மருத்துவர் 28 வயதான க்வென்டோலின் அம்ஸ்ரலா. இவரது கணவர் ஷிவ கும்மி(33) அவசர மருத்துவ உதவிக்குழுவினருக்கு தொடர்பு கொண்டு தமது மனைவியை கத்தியால் குத்தியுள்ளதாகவும், தாமும் காயம்பட்டுள்ளதாகவும் ஒப்புக்கொண்டுள்ளார்.
PHOTO: GO FUND ME
ஏப்ரல் 15 சனிக்கிழமை நடந்த இச்சம்பத்தில், தகவல் அறிந்த அவசர மருத்துவ உதவிக்குழுவினர் உடனடியாக தொடர்புடைய நபரின் குடியிருப்புக்கு விரைந்துள்ளனர். அங்கே, கழுத்து, வயிறு என உடல் முழுவதும் கத்திக்குத்து காயங்களுடன் மருத்துவர் க்வென்டோலின் சடலமாக மீட்கப்பட்டதுடன், ஷிவ கும்மியும் தான் தற்கொலைக்கு முயன்றதாக தெரிவித்துள்ளார்.
சாக வேண்டும் என்று தான் காயப்படுத்துக்கொண்டேன், ஆனால் சாகவில்லை என ஷிவ கும்மி மருத்துவ ஊழியர்களிடம் தெரிவித்துள்ளார். உங்கள் மனைவி ஏன் உங்களுக்கு உதவ முன்வரவில்லை என தொலைபேசியில் வினவிய அதிகாரிகளிடம், அவர் இறந்துவிட்டார் எனவும் பதிலளித்துள்ளார்.
கணவரின் அருகாமையிலேயே சடலம்
இந்த நிலையில் மருத்துவர் க்வென்டோலின் அம்ஸ்ரலாவின் சடலம் அவரது கணவரின் அருகாமையிலேயே காணப்பட்டது என லாஸ் வேகாஸ் மாநகர பொலிசார் தெரிவித்துள்ளனர்.
@KMCannonphoto
2022ல் தான் க்வென்டோலின் அம்ஸ்ரலா மருத்துவ படிப்பை முடித்துக்கொண்டார். தற்போது அவரது பல்கலைக்கழக நண்பர்களே, பொதுமக்களிடம் இருந்து நிதி திரட்டி, இறுதிச்சடங்குகளுக்கான செலவை ஏற்க உள்ளனர்.
ஷிவா கும்மி வடக்கு லாஸ் வேகாஸில் விமான பயிற்றுவிப்பாளராக பணியாற்றியுள்ளார் மட்டுமின்றி வணிக ரீதியில் செயற்படும் மாணவர்களுக்கு கற்பிப்பதில் நிபுணத்துவம் பெற்றவர் எனவும் கூறப்படுகிறது.
இளவாலை, Brisbane, Australia, Harrow, United Kingdom
06 Sep, 2025
தெல்லிப்பழை, கொழும்பு, London, United Kingdom
13 Sep, 2022
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
மலேசியா, Malaysia, யாழ்ப்பாணம், Markham, Canada, Brampton, Canada
06 Sep, 2025
