வெளுத்து வாங்கும் மும்பை இந்தியன்ஸின் புதிய வீரர்! ஐபிஎல் துவங்குவதற்கு முன்பே மாஸ் காட்டிய சம்பவம்: வைரலாகும் வீடியோ

 மேற்கிந்திய தீவில் நடைபெற்று வரும் கரீபியன் பிரிமீயர் லீக் தொடரில் மும்பை இந்தியன்ஸ் அணியின் நெட் பவுலர் மிரட்டி வெற்றி தேடித் தந்த வீடியோ இணையத்தில் அதிக அளவில் பகிரப்பட்டு வருகிறது.

மேற்கிந்திய தீவில் ஒவ்வொரு ஆண்டும் உள்ளூர் தொடரான Caribbean Premier League போட்டி நடைபெற்று வருகிறது. அந்த வகையில், இந்த ஆண்டிற்கான இந்த தொடர் கடந்த ஆகஸ்ட் மாதம் 26-ஆம் திகதி துவங்கி, நேற்றோடு முடிவடைந்தது.

நேற்று நடைபெற்ற இறுதிப் போட்டியில், Andre Fletcher தலைமையிலான St Lucia Kings அணியும், Dwayne Bravo தலைமையிலான ST KITTS AND NEVIS PATRIOTS அணியும் மோதின.

முதலில் ஆடிய St Lucia Kings அணி 20 ஓவர் முடிவில் 7 விக்கெட் இழப்பிற்கு 159 ஓட்டங்கள் எடுத்தது. அதன் பின் ஆடிய ST KITTS AND NEVIS PATRIOTS அணி, கடைசி ஓவரின் கடைசி பந்தில் 7 விக்கெட் இழப்பிற்கு 160 ஓட்டங்கள் எடுத்து 3 விக்கெட்டுகள் வித்தியாசத்தில் த்ரில் வெற்றி பெற்றது.

Hero of the CPL Final 2021 Dominic Drakes will be the net bowler of the Mumbai Indians in #IPL2021.pic.twitter.com/KlHNsTLvWv

— Johns. (@CricCrazyJohns) September 15, 2021

இதன் மூலம் 2021-ஆம் ஆண்டிற்கான Caribbean Premier League தொடரின் சாம்பியன் என்ற பட்டத்தையும் வென்றது. அதுமட்டுமின்றி முதல் முறையாக சாம்பியன் பட்டத்தையும் வென்றுள்ளது.

இப்போட்டியில், ST KITTS AND NEVIS PATRIOTS அணிக்காக ஆடிய Dominic Drakes 24 பந்தில் 48 ஓட்டங்கள் குவித்து அணியின் வெற்றிக்கு பெரிதும் உதவினார்.

அதிரடியாக விளையாடிய இவர் கடைசி வரை அவுட்டாகமல், இதில் மூன்று பவுண்டரி மற்று மூன்று சிக்ஸர் விளாசினர். வெற்றிக்கு பின் மைதானத்திற்குள் ஓடிவந்த ST KITTS AND NEVIS PATRIOTS அணி வீரர்கள் அவரை கட்டியணைத்து பாராட்டி தள்ளினர்.

23 வயது மதிக்கத்தக்க Dominic Drakes இந்த முறை மும்பை இந்தியன்ஸ் அணிக்காக நெட்பவுலராக தேர்வு செய்யப்பட்டுள்ளவர் என்பதால், அவரை மும்பை இந்தியன்ஸ் அணி ரசிகர்கள் கொண்டாடி வருகின்றனர். அடுத்த ஒரு அதிரடி ஆட்டக்காரன் மும்பை அணிக்கு கிடைத்துவிட்டார் என்று டிரண்டாக்கி வருகின்றனர்.