லங்காசிறி FM
பிரித்தானியாவில் பறிப்போன 7 வயது சிறுமி உயிர்: டெலிவரி ஓட்டுநருக்கு விதிக்கப்பட்டுள்ள தண்டனை
Thiru
in ஐக்கிய இராச்சியம்
பிரித்தானியாவில் வாகனத்தை முந்திச் செல்லும் முயற்சியின் போது சிறுமி பலியான சம்பவத்தில் கைது செய்யப்பட்ட சாரதிக்கு 6 ஆண்டுகள் சிறைத் தண்டனை விதிக்கப்பட்டுள்ளது.
6 ஆண்டுகள் சிறைத் தண்டனை
லிங்கன்ஷயரில்(Lincolnshire) பகுதியில் வாகனத்தில் முந்திச் செல்லும் முயற்சியின் போது 7 வயது சிறுமி கொல்லப்பட்ட சம்பவத்தில் அபாயகரமாக வாகனத்தை ஓட்டிய டெலிவரி ஓட்டுநர் வெசெலின் டுடென்ஸ்கி(Veselin Dudenski) என்பவருக்கு 6 ஆண்டுகள் சிறைத் தண்டனை விதிக்கப்பட்டுள்ளது.
விபத்து சம்பவம் தொடர்பாக லிங்கன் கிரவுன் நீதிமன்றத்தில் ஆஜர்படுத்தப்பட்ட டுடென்ஸ்கி, ஆபத்தான முறையில் வாகனம் ஓட்டி உயிரிழப்பை ஏற்படுத்திய குற்றத்தையும், சிறுமி எல்சி கேஸ்கோய்ன்(Elsie Gascoigne) தந்தைக்கு மிகவும் மோசமான காயங்களை ஏற்படுத்திய குற்றத்தையும் ஒப்புக் கொண்டார்.
இதையடுத்து அவருக்கு 6 ஆண்டு சிறைத் தண்டனையும், 8 ஆண்டுகள் ஓட்டுநர் உரிமம் ரத்து செய்யப்பட்டுள்ளது.
ஓட்டுநர் உரிமம் ரத்து அவர் விடுதலையான பிறகு நடைமுறைக்கு வரும் என அறிவிக்கப்பட்டுள்ளது.
17 ஆண்டுகளாக ஓட்டுநராக பணிபுரிந்து வரும் டுடென்ஸ்கி, ஒரு வெளிநாட்டவர் ஆவார். இவருக்கு ஒரு குழந்தை உள்ள நிலையில், அவருக்கான தண்டனை காலம் முடிவடைந்ததும் அவர் நாடுகடத்தப்படுவார் என நீதிமன்றம் உத்தரவிட்டுள்ளது.
உயிரிழந்த சிறுமி
கடந்த ஜனவரி மாதம் 3ம் திகதி லிங்கன்ஷயரின் நாக்டன் மெதரிங்ஹாம் ஹீத் லேன் என்ற பகுதியில் பார்சல்களை விநியோகம் செய்து கொண்டிருந்த 39 வயது டுடென்ஸ்கி, அபாயகரமான முறையில் Citroen relay வாகனத்தை ஓட்டி, பின்னால் வந்த நீல நிற Kia Rio காருடன் மோதியதில் 7 வயது சிறுமி எல்சி கேஸ்கோய்ன் மற்றும் அவரது தந்தை படுகாயமடைந்தனர்.
இருவரும் மருத்தவமனையில் அனுமதிக்கப்பட்ட நிலையில், விபத்துக்கு அடுத்த நாள் எல்சி கேஸ்கோய்ன் சிகிச்சை பலனின்றி உயிரிழந்தார்.
அவரது தந்தைக்கு மார்பெலும்பு, கீழ் முதுகு மற்றும் கை எலும்பு முறிவு ஆகியவை ஏற்பட்டுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
