லங்காசிறி FM
ஒரே நேரத்தில் 800 ஊழியர்களை பணி நீக்கம் செய்த கோடீஸ்வரர் இவர் தான்: வெளிவரும் பின்னணி
Arbin
in ஐக்கிய இராச்சியம்
பிரித்தானியாவில் P&O படகு நிறுவனம் ஒரே நேரத்தில் 800 ஊழியர்களை பணி நீக்கம் செய்த சம்பவம் பெரும் அதிர்வலைகளை ஏற்படுத்தியுள்ளது.
இந்த விவகாரத்தில், P&O படகு நிறுவனத்தின் உண்மையான உரிமையாளர்கள் யார் எனவும், அவர்கள் எந்த நாட்டவர்கள் எனவும் தகவல் வெளியாகியுள்ளது.
சம்பவத்தின் போது P&O படகு நிறுவன நிர்வாகமானது ஒரே ஒரு வீடியோ அழைப்பில், 800 ஊழியர்களை பணி நீக்கம் செய்தது. மட்டுமின்றி, அடுத்த சில நாட்களுக்கு தங்களின் 20 படகுகளும் சேவையை முன்னெடுக்காது எனவும் அறிக்கை வெளியிட்டுள்ளது.
இது ஆயிரக்கணக்கான பொதுமக்களை கடும் அதிர்ச்சியில் ஆழ்த்தியுள்ளதுடன், பணி நீக்கம் செய்த ஊழியர்கள் மத்தில் கொந்த:ளிப்பையும் ஏற்படுத்தியுள்ளது. பணி நீக்கம் செய்யப்பட்ட ஊழியர்கள், தங்கள் பணியாற்றும் படகுகளில் இருந்து வெளியேற மறுத்துள்ளதுடன், அவர்களை தனியார் பாதுகாப்பு நிறுவன ஊழியர்களால் கைவிலங்கிட்டு வெளியேற்றும் சூழலும் உருவானது.
இந்த விவகாரம் தொடர்பில் அவசர சட்ட நடவடிக்கை தேவை எனவும், பிரித்தானிய தொழில்துறை வரலாற்றில் மிகவும் வெட்கக்கேடான செயல்களில் ஒன்றாக இது மாறியுள்ளதைத் தடுக்க அரசாங்கம் நடவடிக்கை எடுக்க மீண்டும் அழைப்பு விடுக்கிறோம் என RMT தொழிற்சங்கம் கோரிக்கை வைத்துள்ளது.
800 ஊழியர்கள் ஒரே நேரத்தில் நீக்கப்பட்ட நிலையில் தற்போது P&O படகு நிறுவனத்திற்கு பிரித்தானியாவில் 2,200 ஊழியர்கள் எஞ்சியுள்ளனர். 1960 காலகட்டத்தில் பயணிகளுக்கான படகு சேவையை தொடங்கிய P&O நிறுவனத்தை 2019ல் ஐக்கிய அமீரகத்தின் துபாய் மாகாணத்தை சேர்ந்த DP World நிறுவனம் 332 மில்லியன் பவுண்டுகளுக்கு வாங்கியது.
குறித்த நிறுவனமானது 36,500 ஊழியர்களுடன் 103 நாடுகளில் சேவையை முன்னெடுத்து வருகிறது. இதன் தலைவராக தற்போது Sultan Ahmed bin Sulayem உள்ளார். இவர் துபாய் மாகாணத்தின் சுங்க ஆணையத்திற்கும் தலைமை தாங்கி வருகிறார்.
DP World நிறுவனத்தின் தாய் நிறுவனமான Dubai’s sovereign wealth fund நிறுவனமானது கடந்த 2020ல் தங்களது பங்குதாரர்களுக்கு 270 மில்லியன் பவுண்டுகள் ஈவுத்தொகையை வழங்கி கவனத்தை ஈர்த்தது.
அதே வேளை, கொரோனா பெருந்தொற்று காரணமாக பயணிகள் வருகை சரிவடைந்ததை அடுத்து பிரித்தானியாவில் P&O படகு சேவை நிறுவனம் சுமார் 1,100 ஊழியர்களை நீக்கியிருந்தது குறிப்பிடத்தக்கது.
Kuala Lumpur, Malaysia, தொல்புரம், Aulnay-sous-Bois, France
01 May, 2025
யாழ்ப்பாணம், கொழும்பு, கட்டார், Qatar, தென் ஆபிரிக்கா, South Africa, London, United Kingdom, Townsville, Australia
04 May, 2024
புங்குடுதீவு 12ம் வட்டாரம், புங்குடுதீவு, கொக்குவில், Leverkusen, Germany
28 Apr, 2025
மலேசியா, Malaysia, உடுப்பிட்டி, New Malden, United Kingdom
29 Apr, 2025
புங்குடுதீவு 12ம் வட்டாரம், புங்குடுதீவு, கொழும்பு, London, United Kingdom
24 Apr, 2025
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024