லங்காசிறி FM
Cancer Symptoms: புற்றுநோயின் ஆரம்ப அறிகுறிகள்- அவசியம் தெரிந்து கொள்ளுங்கள்
Yashini
in ஆரோக்கியம்
புற்றுநோய் என்றாலே, அனைவருக்கும் அபாயகரமான விளைவுடன் கூடிய ஒரு ஆபத்தான நோய்தான் நினைவுக்கு வரும்.
புகை, மது உள்ளிட்டவைதான் புற்றுக்கு வழிவகுக்கும் என்பது மாறி, மரபு ரீதியிலான காரணங்கள், வாழ்க்கைச்சூழல், உணவூட்டம் ஆகியவையும் கூட புற்றுநோய்க்கு வித்திடுகின்றன.
அன்றாடம் பணி நிமித்தம், போதிய உடல் உழைப்பின்றி அதிக நேரம் அமர்ந்திருப்பது கூட கேன்சர் பாதிப்புக்கு வாய்ப்பாகும் என்கிறது மருத்துவ ஆய்வு.
புற்றுநோயை அதன் ஆரம்ப நிலையிலேயே அடையாளம் கண்டுகொண்டால் சிகிச்சை நடைமுறைகளும், விரைந்து குணம்பெறுவதும் எளிதாகும்.
ஆரம்ப அறிகுறிகள்
பசியின்மை, திடீரென உடல் எடை குறைதல் அல்லது அதிகரித்தல், ரத்தத்தில் ஹீமோகுளோபின் வெகுவாய் குறைவது புற்றுநோயின் அறிகுறிகளாகும்.
மேலும், உணவருந்த ஆரம்பித்ததுமே வயிறு நிரம்பியதாக உணர்வது ஆகியவை புற்றுநோயின் பரவலான அறிகுறிகளாகும்.
மலத்தில் தென்படும் ரத்தம், கருமை நிற திட்டுக்கள் தென்படுவது அல்லது மலம் முழுமைக்குமே கருப்பாக அமைவது ஆகியவை இரைப்பை மற்றும் குடல் புற்றுநோய்களுடன் தொடர்புடையதாக இருக்கலாம்.
பெண்களை பாதிக்கும் மார்பக புற்றுநோயை, தோலில் ஏற்படும் மாற்றங்கள், சிறிய கட்டிகள், மார்பகத்தின் வடிவத்தில் ஏற்படும் சிறு மாற்றங்கள் மூலமே கண்டுகொள்ளலாம்.
கருப்பை புற்றுநோயானது வயிற்றுப்போக்கு, இரைப்பை அழற்சி, சற்று சாப்பிட்டதுமே வயிறு நிரம்பிய உணர்வு, வயிறு பெருப்பது போன்ற இரைப்பை மற்றும் குடல் பாதிப்புக்கான அறிகுறிகளை காட்டும்.
குறிப்பாக எடை இழப்பு உண்மையில் புற்றுநோயின் மிகவும் பொதுவான அறிகுறியாகும்.
உடல் எடையில் 10 சதவீதத்துக்கும் மேலாக அவருடைய முயற்சியின்றி இழப்பு ஏற்பட்டால், அது புற்றுநோய்க்கான முக்கிய அறிகுறியாக இருக்க வாய்ப்புண்டு.
பொதுவாக மூன்று வாரங்களுக்கு மேல் நீடிக்கும் தொடர் இருமல் நுரையீரல் புற்றுநோயின் முக்கியமான அறிகுறியாகும்.
முன்னோர்களில் எவருக்கேனும் புற்றுநோய் இருந்திருப்பின், ஆரம்ப அறிகுறிகளின்போதே விரைந்து மருத்துவரை சந்தித்து ஆலோசனை பெறுவது அவசியமாகும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கோண்டாவில் மேற்கு, வவுனியா, Milton Keynes, United Kingdom
17 Nov, 2024
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
