ஈஸ்டர் ஞாயிறு குண்டு வெடிப்பு... 15 பேர்கலைக் குற்றவாளிகளாக அறிவித்த இலங்கை நீதிமன்றம்

Sri Lanka court convicts 15 men: இலங்கை நீதிமன்றம் 15 பேரை குற்றவாளிகளாக அறிவித்தது.

2019-ஆம் ஆண்டு ஈஸ்டர் ஞாயிறு அன்று 270 பேர் கொல்லப்படவும், 500-க்கும் மேற்பட்டோர் காயமடையவும் காரணமான குண்டுவெடிப்புத் தாக்குதல்களைத் திட்டமிட்டதாகக் குற்றம் சாட்டப்பட்ட 15 பேரை இலங்கையின் உயர் நீதிமன்றம் குற்றவாளிகளாக அறிவித்துள்ளது.

மிக மோசமான

தற்கொலைத் தாக்குதல்களுக்கு மூளையாகச் செயல்பட்டதாக அரசுத் தரப்பு கூறிய நௌஃபர் மௌலாவியும் குற்றவாளிகளாகக் கண்டறியப்பட்டவர்களில் அடங்குவார். மற்ற ஒன்பது பேர்கள் விடுவிக்கப்பட்டனர்.

மூன்று தேவாலயங்கள் மற்றும் மூன்று சொகுசு விடுதிகளில் ஒருங்கிணைந்து நடத்தப்பட்ட குண்டுவெடிப்புகள், 2009-ல் இலங்கையில் உள்நாட்டுப் போர் முடிவுக்கு வந்ததிலிருந்து நிகழ்ந்த மிக மோசமான உயிரிழப்புகளை ஏற்படுத்திய தாக்குதல்களாகும்.

உயிரிழந்தவர்களில் 45 வெளிநாட்டினரும் அடங்குவர். இதில் தாக்குதலை முன்னெடுத்த அனைவரும் அந்த வெடிப்புகளில் கொல்லப்பட்டனர். இந்தத் தாக்குதல்களுக்கு இஸ்லாமியத் தீவிரவாதிகளே காரணம் என்று விசாரணை அதிகாரிகள் தரப்பு முன்னரே குற்றம் சாட்டியிருந்தனர்; குற்றம் சாட்டப்பட்ட 25 பேரும் இலங்கையின் முஸ்லிம் சிறுபான்மை சமூகத்தைச் சேர்ந்தவர்கள் ஆவர்.

புடின் கட்சிக்கு மட்டுமே வாக்களிக்க வேண்டும்... வழங்கப்பட்ட வாக்குச் சீட்டுகளில் அடையாளம்

இவர்களில் ஒருவர் காவலில் இருந்தபோது மரணமடைந்தார். தீர்ப்பு வழங்கப்படுவதற்கு முன்னதாக நீதிமன்ற அமர்வு ஒத்திவைக்கப்பட்டது. 23,000-க்கும் மேற்பட்ட குற்றச்சாட்டுகளை எதிர்கொண்டிருந்த குற்றம் சாட்டப்பட்டவர்கள், ஜோடி ஜோடியாக விலங்கிடப்பட்டு, இரண்டு சிறைச்சாலை பேருந்துகளில் தலைநகர் கொழும்பில் உள்ள உயர் நீதிமன்றத்திற்குக் கொண்டு வரப்பட்டனர்.

கொல்லப்பட்டவர்களில் பெரும்பாலோர் இலங்கையர்கள்; அவர்களில் பலர் சிறார்கள். இவர்களில் பிரபல சமையல் கலைஞர் சாந்தா மாயதுன்னே மற்றும் அவரது மகள், ஐந்து பேர் கொண்ட ஒரு இளம் குடும்பம், தாக்குதலுக்குள்ளான ஹொட்டல்களின் பணியாளர்கள் குறைந்தது எட்டு பேர் மற்றும் இலங்கையின் மேற்குப் பகுதியிலுள்ள நீர்கொழும்பு நகரத்தைச் சேர்ந்த ஒரே குடும்பத்தைச் சேர்ந்த ஐந்து பேர் ஆகியோர் அடங்குவர்.

உயிரிழந்த வெளிநாட்டினரில் 11 இந்தியர்கள், எட்டுப் பிரித்தானியர்கள் மற்றும் ஐந்து அமெரிக்கர்கள் அடங்குவர். இறந்தவர்களில் அவுஸ்திரேலியா, வங்கதேசம், சீனா, டென்மார்க், ஜப்பான், நெதர்லாந்து, போர்த்துகல், ஸ்பெயின், ஸ்வீடன், சுவிட்சர்லாந்து மற்றும் துருக்கி ஆகிய நாடுகளின் குடிமக்களும் அடங்குவர்.

டென்மார்க் கோடீஸ்வரர் ஆண்டர்ஸ் ஹோல்ச் போவ்ல்சனின் குடும்பம் ஷங்ரி-லா ஹொட்டலில் விடுமுறையைக் கழித்துக் கொண்டிருந்தபோது, ​​அங்கு நடத்தப்பட்ட தாக்குதலில் அவரது மூன்று பிள்ளைகள் கொல்லப்பட்டனர்.

முன்னாள் ஜனாதிபதி

2023-ஆம் ஆண்டில், குண்டுவெடிப்புத் தாக்குதல்களுக்கு வழிவகுத்த தேசியப் பாதுகாப்புத் தோல்விகளுக்கு முன்னாள் ஜனாதிபதி மைத்திரிபால சிறிசேன பொறுப்பானவர் என்று கண்டறிந்த உச்ச நீதிமன்றம், பாதிக்கப்பட்டவர்களுக்கு லட்சக்கணக்கான தொகையை இழப்பீடாக வழங்குமாறு அவருக்கு உத்தரவிட்டது.

குண்டுவெடிப்புகளுக்குக் காரணமான குற்றவியல் அலட்சியத்திற்காக, கடந்த மாதம் இரண்டு முன்னாள் உயர் அதிகாரிகளுக்கு மரண தண்டனை விதிக்கப்பட்டது. இலங்கையில் மரணதண்டனைகளை நிறைவேற்றுவது பல தசாப்தங்களாக நிறுத்தி வைக்கப்பட்டுள்ளதால், மரணதண்டனைகள் வழக்கமாக ஆயுள் தண்டனையாகக் குறைக்கப்படுகின்றன.

ஈஸ்டர் தாக்குதலில் பாதிக்கப்பட்டவர்களுக்கு நீதி கோரி, இலங்கையர்கள் பல ஆண்டுகளாகத் தொடர்ந்து ஆர்ப்பாட்டங்களை நடத்தி வந்துள்ளது குறிப்பிடத்தக்கது.