பொதுவாக நம்முடைய முன்னோர்கள்காலங்காலமாக பல்வேறு வகைகளில் பயன்படுத்தி வரும் ஒரு பொருள் தான் எள். 

இது முழுக்க முழுக்க ஊட்டச்சத்துக்களால் நிரம்பியது. புரதச்சத்து, மாங்கனீசு, வைட்டமின் ஈ, நல்ல கொழுப்பு அமிலங்கள், நார்ச்சத்து ஆகியவை நிறைந்திருக்கின்றன.

இதனை தினமும் 2 ஸ்பூன் அளவுக்கு எள் சாப்பிடுவது உடலுக்குப் பல்வேறு நன்மைகளைத் தரும். 

அந்தவகையில் தினமும் 2 ஸ்பூன் எள் சாப்பிட்டால் ஏற்படும் நன்மைகள் என்ன? இதனை வேறு எப்படி எடுத்து கொள்ளலாம் என்பதை பார்ப்போம்.         

நன்மைகள்

•  2-3 டேபிள் ஸ்பூன் எள் சாப்பிட்டு வந்தால் உடலில் உள்ள லிப்பிட்ஸ் அளவைக் கட்டுக்குள் வைக்கிறது. 
  
  
•  மேலும் உடலில் உள்ள LDL கெட்ட கொலஸ்ட்டிராலின் அளவை 8-16 சதவீதம் அளவுக்கு குறைப்பதோடு, உடலின் ஒட்டுமொத்த கொலஸ்ட்டிராலின் அளவையும் 8 சதவீதம் அளவு குறைக்கச் செய்கிறது. 
  
  
•  பெண்கள் இப்படி சாப்பிட்டு வந்தால் முறையற்ற மாதவிடாய் பிரச்சினை நீங்கும்.
  
  
• தினமும் 3.6 மைக்ரோகிராம் அளவுக்கு எள்ளை உணவில் சேர்த்துக் கொண்டால், வெறும் இரண்டே மாதத்தில் 16 சதவீதம் கெட்ட கொழுப்பை எரிக்கிறது.  
  
  
•  இரண்டே மாதத்தில் உடலில் உள்ள கெட்ட கொழுப்பின் அளவை 8 சதவீதம் அளவுக்கு குறைக்கிறது. இதனால் மாரடைப்பு எற்படும் விகிதம் கிட்டதட்ட ஆண்டுக்கு 16.18 சதவீதம் குறைவதாகக் கூறப்படுகிறது.

​எப்படியெல்லாம் சாப்பிடலாம்? 

• பிரட், ரொட்டி மற்றும் சப்பாத்தி செய்யும்போது எள்ளை மாவில் சேர்த்துப் பிசைந்து செய்யலாம். அது உணவின் சுவையை அதிகரிப்பதோடு எள்ளின் சத்துக்களையும் முழுமையாகக் கிடைக்கச் செய்யும்.
  
  
• சாலட்டுகள், சூப்கள், நட்ஸ்கள், விதைகள் ஆகியவற்றோடு சேர்த்து சாப்பிடலாம்.  தினசரி 2 ஸ்பூன் வீதம் எடுத்துக் கொண்டால் போதுமானது. ஏனெனில் எள்ளுக்கு உடலின் வெப்பநிலையை அதிகரிக்கும் ஆற்றல் உள்ளது.