இலங்கையில் போராடும் பல பெண்கள் - அரசாங்கம் நடவடிக்கை எடுக்க வேண்டும் என வலியுறுத்தல்!

அதிகரித்து வரும் வாழ்க்கைச் செலவுகள் மற்றும் சுருங்கி வரும் வேலை வாய்ப்புகள் காரணமாக, இலங்கையில் பல பெண்கள் நெருக்கடியில் சிக்கியுள்ளதாக தன்னார்வு நிறுவனம் ஒன்று தெரிவித்துள்ளது.

இலங்கையில் போராடும் பெண்கள்

அனாதை இல்லம் கட்டப்பட்டிருந்த இடத்தை வாங்கி வீடு கட்டிய அம்பானி - அதன் மதிப்பு எவ்வளவு தெரியுமா?

பொருளாதார நெருக்கடியால் பல பெண்கள் போராடி வருவதாக தெரியவந்துள்ளது  

நெருக்கடியின் சுமையை தாங்கி, உயிர்வாழ்வதற்கான வழியை தேடுவதற்காக, ஆயிரக்கணக்கான பெண்கள் இணையம் மூலமாக தவறான விடயங்களை செய்ய தள்ளப்படுகின்றனர்.

கொரோனா தொற்றுநோயும் அதன் விளைவுகளும் இலங்கையின் பணியாளர்கள் மீது, குறிப்பாக பெண்கள் மீது நீடித்த தாக்கத்தை ஏற்படுத்தியது.

இதனாலேயே பெண்கள் கடன், சுரண்டல் மற்றும் உயிர்வாழ்வு சுழற்சியில் சிக்கித் தவிப்பதாக தேசிய பெண்கள் ஒற்றுமை என்ற தன்னார்வு அமைப்பு குறிப்பிட்டுள்ளது. 

இந்த தன்னார்வு நிறுவனத்தின் தகவல்படி 2022 முதல் கிட்டத்தட்ட 40,000 இல்லத்தரசிகள் இணையத்தில் தவறான தொழிலில் ஈடுபட்டுள்ளனர் என்று தெரிவிக்கப்பட்டுள்ளது.

வேலைவாய்ப்பு இல்லாமல் போராடும் பல பெண்களுக்கு இது ஒரு கடைசி முயற்சியாக மாறியுள்ளது என்று தன்னார்வு நிறுவனத்தின் தலைவி, ஹஸ்னி சில்வா தெரிவித்துள்ளார்.

அதாவது அரச வங்கிகளில் இருந்து கடன் பெறுவது சவாலானது என்பதால், பல பெண்கள் நுண்நிதி நிறுவனங்களிடம் இருந்து கடன்களை பெற்றுள்ளனர்.

நாட்டில் 2.8 மில்லியன் மக்கள் கடன் வாங்கியுள்ளதாகவும், அவர்களில் 2.4 மில்லியன் பேர் பெண்கள் என்றும் தெரியவந்துள்ளது.  

பல பெண்கள் தங்கள் கடனைத் திருப்பிச் செலுத்த முடியாமல் தவறான முடிவெடுத்துள்ளனர்.

கடன் திருப்பிச் செலுத்தும் கடமைகளைச் சந்திக்க இயலாமை காரணமாக நுண்நிதி நிறுவன அதிகாரிகளின் தவறான நடத்தைக்கு ஆளாகியுள்ளதாகவும் தகவல்கள் வெளியாகியுள்ளன. 

100 பேருக்கு 1 குளியலறை.., ஏழ்மையில் அம்பானி குடும்பம் வாழ்ந்த மும்பை வீடு எங்குள்ளது தெரியுமா?

இந்நிலையில் பெண்களுக்கு அதிகாரம் அளிக்கவும், அவர்களின் சுயதொழில் முயற்சிகளின் வளர்ச்சியை ஆதரிக்கவும் அரசாங்கம் நடவடிக்கை எடுக்க வேண்டும் என்று ஹஸ்னி சில்வா வலியுறுத்தியுள்ளார்.

மேலும் நாட்டின் பொருளாதார சரிவுக்கும், அதைத் தொடர்ந்து பெண்கள் உயிர்வாழ்வதற்கான வழிமுறையாக தவறான நடத்தைக்கு திரும்பியதற்கும், முன்னைய அரசாங்கங்களே பொறுப்பேற்க வேண்டும் என்றும் அவர் சுட்டிக்காட்டியுள்ளமை குறிப்பிடத்தக்கது.