ரிலையன்ஸ் அனில் அம்பானி குழுமத்தின் ரூ.510 கோடி சொத்துகள் மேலும் முடக்கம்

Reliance India Enforcement Directorate Anil Ambani

By Ragavan Nov 03, 2026 03:42 PM GMT

Ragavan

in வணிகம்

Report

ED Attaches Rs 510 Cr More Assets of Anil Ambani: ரிலையன்ஸ் அனில் அம்பானி குழுமத்தின் ரூ.510 கோடி சொத்துக்களை அமலாக்கத்துறை முடக்கியுள்ளது.

மேலும் ரூ.510 கோடி சொத்துகள் முடக்கம்

அமலாக்கத்துறை (ED) அனில் அம்பானி தலைமையிலான ரிலையன்ஸ் குழுமம் தொடர்பான பணமோசடி மற்றும் வங்கி மோசடி விசாரணையில் மேலும் ரூ.510 கோடி மதிப்பிலான சொத்துகளை முடக்கியுள்ளது.

இதன் மூலம் இதுவரை இந்த வழக்குகளில் முடக்கப்பட்ட மற்றும் பறிமுதல் செய்யப்பட்ட சொத்துகளின் மொத்த மதிப்பு சுமார் ரூ.23,100 கோடியை எட்டியுள்ளது.

ED-Attaches-Rs-510-Cr-More-Assets-of-Anil-Ambani

முடக்கப்பட்டுள்ள சொத்துகள்

அமலாக்கத்துறை வெளியிட்ட தகவலின்படி, இந்த புதிய நடவடிக்கையில் விமானங்கள், வங்கி கணக்குகள், நிரந்தர வைப்புத் தொகைகள், அசையா சொத்துகள், முதலீடுகள் மற்றும் வரவேண்டிய தொகைகள் உள்ளிட்ட பல சொத்துகள் சேர்க்கப்பட்டுள்ளன.

இதில், Reliance Home Finance Limited (RHFL) மற்றும் Reliance Commercial Finance Limited (RCFL) தொடர்பான வங்கி மோசடி வழக்கில் ரூ.263.05 கோடி மதிப்பிலான சொத்துகள் முடக்கப்பட்டுள்ளன.

அதேபோல் Reliance Communications Limited (RCOM) தொடர்பான வழக்கில் ரூ.247.12 கோடி மதிப்பிலான சொத்துகள் முடக்கப்பட்டுள்ளன. RCOM வழக்கில் இரண்டு சார்ட்டர்ட் விமானங்கள், மகாராஷ்டிராவில் உள்ள ஆறு நிலப்பகுதிகள் மற்றும் அலுவலக வளாகம் ஆகியவை முடக்கப்பட்டுள்ளன.

RHFL மற்றும் RCFL வழக்குகளில் தமிழ்நாட்டில் அமைந்துள்ள இரண்டு காற்றாலை மின் உற்பத்தி இயந்திரங்கள், வங்கி இருப்புத் தொகைகள், நிரந்தர வைப்புகள் மற்றும் முதலீடுகள் முடக்கப்பட்டுள்ளன.

ED-Attaches-Rs-510-Cr-More-Assets-of-Anil-Ambani

இந்த விசாரணை, CBI, டெல்லி மற்றும் மும்பை பொருளாதார குற்றப்பிரிவு காவல்துறை பதிவு செய்த பல்வேறு வழக்குகளின் அடிப்படையில் தொடங்கப்பட்டதாக அமலாக்கத்துறை தெரிவித்துள்ளது. மேலும், அந்நிய செலாவணி மேலாண்மை சட்டமான FEMA கீழும் தனித்தனி விசாரணைகள் மேற்கொள்ளப்பட்டுள்ளன.

10 பேர் கைது

விசாரணையில் பொதுத்துறை வங்கிகள் மற்றும் நிதி நிறுவனங்களிடமிருந்து பெறப்பட்ட நிதி தவறாக மாற்றப்பட்டதாகவும், நிறுவனச் சொத்துகள் தனிப்பட்ட பயன்பாட்டிற்காக பயன்படுத்தப்பட்டதாகவும், சில நிதிகள் வெளிநாட்டு வரிச் சலுகை மையங்களுக்கு மாற்றப்பட்டதாகவும் அமலாக்கத்துறை குற்றம் சாட்டியுள்ளது.

இந்த வழக்குகள் தொடர்பாக இதுவரை 10 பேர் கைது செய்யப்பட்டுள்ளனர். மேலும் பணமோசடி தடுப்பு சட்டத்தின் கீழ் ஆறு வழக்குகளும், FEMA சட்டத்தின் கீழ் ஒரு வழக்கும் பதிவு செய்யப்பட்டுள்ளதாக அதிகாரிகள் தெரிவித்துள்ளனர். விசாரணை தொடர்ந்து நடைபெற்று வருகிறது.