லங்காசிறி FM
இந்திய அணி தோல்வியால் அவுஸ்திரேலிய பிரதமர் வீட்டில் ED Raid.., கிண்டலடித்த பெண் எம்.பி
நேற்று நடந்த உலககோப்பை இறுதி போட்டியில் இந்திய அணி தோல்வியடைந்ததால் அவுஸ்திரேலிய பிரதமர் வீட்டில் அமலாக்கத்துறை சோதனை என்று திரிணமூல் காங்கிரஸ் மக்களவை உறுப்பினர் மஹுவா மொய்த்ரா கிண்டலாக பதிவிட்டுள்ளார்.
உலகக்கோப்பை தோல்வி
நேற்று (நவ. 19) குஜராத் மாநிலம் அகமதாபாத்தில் உள்ள நரேந்திர மோடி ஸ்டேடியத்தில், உலகக்கோப்பை கிரிக்கெட் தொடரின் இறுதிப்போட்டியானது இந்தியாவுக்கும், அவுஸ்திரேலியவுக்கும் இடையே நடைபெற்றது.
இதில், இந்திய அணியை 43 ஓவர்களில் 6 விக்கெட் வித்தியாசத்தில் அவுஸ்திரேலிய அணி அபாரமாக வீழ்த்தியது. ஏற்கனவே, 5 முறை உலகக்கோப்பை வென்ற அவுஸ்திரேலிய தற்போது, 6 -வது முறையாக வென்றுள்ளது.
இந்த உலகக்கோப்பையை இந்திய பிரதமர் நரேந்திர மோடியும், அவுஸ்திரேலிய பிரதமரும் இணைந்து பேட் கம்மின்ஸிடம் கொடுத்தனர்.
ஆஸ்திரேலியா பிரதமர் வீட்டில் ரெய்டு
பாஜக அரசை கடுமையாக விமர்சனம் செய்து வருபவர்களில் முக்கியமான ஒருவர் திரிணமூல் காங்கிரஸ் மக்களவை உறுப்பினர் மஹுவா மொய்த்ரா. குறிப்பாக இவர், எதிர்க்கட்சி தலைவர்களின் வீடுகளில் நடைபெற்று வரும் அமலாக்கத்துறை சோதனை குறித்து கடுமையான விமர்சனங்களை முன்வைத்து வருகிறார்.
இந்நிலையில், பாஜக அரசினை கிண்டலடிக்கும் விதமாக ட்விட்டர் எக்ஸ் தளத்தை கருத்து ஒன்றை பதிவிட்டுள்ளார். அதில் அவர், "அவுஸ்திரேலிய பிரதமர் வீட்டில் அமலாக்கத்துறை ரெய்டு என்றும், போட்டி நடந்த நரேந்திர மோடி மைதானத்தின் பெயரை மாற்றி ஜவஹர்லால் நேரு மைதானம்" எனவும் பதிவிட்டுள்ளார்.
In other news:
— Mahua Moitra (@MahuaMoitra) November 19, 2023
Ahmedabad Stadium has been renamed - India loses World Cup finals at Jawahar Lal Nehru Cricket Stadium.
And.. pic.twitter.com/oCaD4w6XqK
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
