லங்காசிறி FM
லொட்டரி அதிபர் மார்ட்டினுக்கு சொந்தமான இடங்களில் 2 -வது நாளாக தொடரும் ED ரெய்டு
லொட்டரி அதிபர் மார்ட்டினுக்கு சொந்தமான இடங்களில் தொடர்ந்து இரண்டாவது நாளாக அமலாக்கத்துறை அதிகாரிகள் சோதனை நடத்தி வருகின்றனர்.
லொட்டரி அதிபர் மார்ட்டின்
இந்திய மாநிலம், தமிழகத்தில் லொட்டரி விற்பனைக்கு தடை விதிக்கப்பட்டுள்ளது. ஆனால், சிக்கிம், மேற்குவங்கம், கேரளா ஆகிய மாநிலங்களில் அரசு விதிமுறைகளுக்கு உட்பட்டு லொட்டரி விற்பனை நடைபெற்று வருகிறது.
இந்த விற்பனையில் தொழிலதிபர் மார்ட்டின் முக்கியமான பங்கு வகித்து வருகிறார். கடந்த 2009 மற்றும் 2010 -ம் ஆண்டு காலக்கட்டத்தில் சிக்கிம் மாநில லொட்டரி விதிமுறைகளை மீறி ரூ.910 கோடி அளவுக்கு வருவாய் ஈட்டியதாக மார்ட்டின் மீது புகார் எழுந்தது.
இதனைத்தொடர்ந்து, கடந்த 2019 -ம் ஆண்டு லாட்டரி அதிபர் மார்ட்டினுக்கு சொந்தமான இடங்களில் வருமானத்துறை சோதனை நடத்தியது. அதன் முடிவில் பல்வேறு ஆவணங்கள் கைப்பற்றப்பட்டன.
அமலாக்கத்துறை சோதனை
இதன் அடிப்படையில் அமலாக்கத்துறை சோதனை நடத்திய போது சட்டவிரோத பணபரிமாற்றத்தில் மார்ட்டின் ஈடுபட்டது தெரியவந்தது. பின்பு, அவர் மீது வழக்குப்பதிவு செய்து விசாரணை நடத்த தொடங்கினர்.
அந்தவகையில், கடந்த மே மாதம் மார்ட்டின் வீடு மற்றும் அவருக்கு சொந்தமான இடங்களில் அமலாக்கத்துறை சோதனை நடத்தியது. பின்பு, இவருக்கு சொந்தமான ரூ.7 கோடி மதிப்புடைய அசையும் மற்றும் அசையா சொத்துக்களை முடக்கப்பட்டது.
இதனைத்தொடர்ந்து, கொச்சின் அமலாக்கத்துறை நேற்று கோவையில் உள்ள மார்ட்டின் வீடு மற்றும் அவருக்கு சொந்தமான 3 இடங்களில் சோதனை நடத்தியது.
மேலும், சென்னை போயஸ்கார்டனில் உள்ள அவரது மருமகன் ஆதவ் அர்ஜுனுக்கு சொந்தமான அலுவலகம் மற்றும் வீடு, நுங்கம்பாக்கத்தில் ஜீனிமுகமதுவின் வீடு ஆகிய இடங்களில் சோதனை நடத்தியது.
இந்நிலையில், தொடர்ந்து இரண்டாவது நாளாக லொட்டரி அதிபர் மார்ட்டின் மற்றும் மருமகன் ஆதவ் அர்ஜுன் ஆகியோருக்கு சொந்தமான இடங்களில் அமலாக்கத்துறை சோதனை நடத்தி வருகிறது. இந்த சோதனையின் முடிவில் கைப்பற்றப்பட்ட ஆவணங்கள் குறித்து தகவல்கள் தெரியவரும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
கல்வியங்காடு, Wembley, United Kingdom, King's Lynn, United Kingdom
22 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
