தமிழகத்திலே அதிக வாக்கு வித்தியாசத்தில் வெற்றி பெற்றவர் யார் தெரியுமா? சற்று முன் வெளியான தகவல்

தமிழகத்திலே நடைபெற்று முடிந்த வாக்கு எண்ணிக்கையில் எடப்பாடி பழனிச்சாமி அதிக வாக்குகள் வித்தியாசத்தில் வெற்றி பெற்றுள்ளார்.

தமிழகத்தில் 234 தொகுதிகளுக்கான வாக்கு எண்ணிக்கை தொடர்ந்து நடைபெற்று வருகிறது. இதில் 150-க்கும் மேற்பட்ட இடங்களில் திமுக முன்னிலை வகிப்பதுடன், பல இடங்களில் வெற்றி பெற்றுவிட்டதாகவும் அறிவிக்கப்பட்டுள்ளது.

அதே போன்று அதிமுக 80-க்கும் மேற்பட்ட தொகுதிகளில் முன்னிலை வகிப்பதுடன் ஒரு சில தொகுதிகளில் வெற்றியும் பெற்றுள்ளது. இதனால் தமிழகத்தின் அடுத்த முதல்வராக மு.க.ஸ்டாலின் தான் என்பது கிட்டத்தட்ட உறுதியாகிவிட்டது.

அவருக்கு இந்தியாவின் பல்வேறு மாநில தலைவர்கள் தங்கள் வாழ்த்துக்களை தெரிவித்து வருகின்றனர். இந்நிலையில், இந்த தேர்தலில் எடப்பாடி பழனிச்சாமியே அதிக வாக்குகள் வித்தியாசத்தில் வெற்றி பெற்றுள்ளார்.

சேலம் மாவட்டத்தில் போட்டியிட்ட எடப்பாடிக்கு இது 6-வது முறையாகும். தில், 1984, 1991 தேர்தலில் போட்டியிட்டு வெற்றி பெற்றுள்ளார். அடுத்து 2006 தேர்தலில் தோல்வியடைந்தார்.

அதற்கு பிறகு, 2011, 2016 சட்டமன்றத் தேர்தல்களில் தொடர்ந்து வெற்றி பெற்றுள்ளார். 2021 இந்த சட்டமன்றத் தேர்தலில் 6வது முறையாக எடப்பாடியில் களம் கண்டுள்ளார்.

முதல்வர் பழனிசாமியை எதிர்த்து திமுக சார்பில், சம்பத்குமார் என்ற புதுமுகம் போட்டியிடுகிறார். ஒரு முதல்வர் வேட்பாளரை எதிர்ப்பதற்கு புதுமுகமா என்ற கேள்விகள் எழுந்தபோது, அவர் புதுமுகமாக இருக்கலாம். ஆனால், சேலம் மேற்கு மாவட்ட திமுக செயலாளர் செல்வகணபதி பரிந்துரை செய்தவர். அவர் பலமான வேட்பாளர்தான் என்று தான் கூறப்பட்டது.

இந்நிலையில், தொடர்ந்து முதல் சுற்றில் இருந்து முன்னிலை வகித்து வந்த எடப்பாடி பழனிச்சாமி, இறுதிச் சுற்று எண்ணிக்கையில் அதிமுக வேட்பாளர் எடப்பாடி பழனிசாமி, திமுக வேட்பாளர் சம்பத்குமாரைவிட 90,255 வாக்குகள் வித்தியாசத்தில் வெற்றி பெற்றுள்ளார். இதுவே மாலை 6 மணி நிலவரப்படி இந்த முறை தமிழக தேர்தலில் அதிக வாக்கு வித்தியாசத்தில் வெற்றி பெற்றதாக அறிவிக்கப்பட்டிருந்தது.

இதையடுத்து தற்போது வெளியாகியுள்ள அறிவிப்பில் திண்டுக்கல் ஆத்தூர் தொகுதியில் போட்டியிட்ட திமுக வேட்பாளர் ஐ.பெரியசாமி 1,34,082 வாக்குகள் வித்தியாசத்தில் வெற்றி பெற்றுள்ளார். இதுவே இந்த தேர்தலில் இதுவே அதிகபட்ச வாக்குகள் வித்தியாசம் ஆகும்.

மேலும்,  ஐ.பெரியசாமியை எதிர்த்து போட்டியிட்ட அனைவரும் டேபாசிட்டை இழந்துள்ளனர் என்பது குறிப்பிடத்தக்கது.