பண பலமும், பொய்ப் பிரச்சாரமும் வெற்றி பெற்றது - வாக்காளர்களுக்கு நன்றி கூறிய எடப்பாடி பழனிசாமி

2024 ஆம் ஆண்டிற்கான மக்களவை தேர்தல் முடிவுகள் வெளியாகிக் கொண்டு இருக்கின்ற நிலையில், தமிழ்நாட்டில் திமுக கட்சியானது வெற்றி பெற்றுள்ளது.

காலை 8 மணியளவில் இருந்து வெளியாகிய தகவல்களின் அடிப்படையில் மிகவும் அதிர்ச்சிக்கு ஆளாகிய ஒரே ஒரு நபர் என்றால் அது எடப்பாடி பழனிசாமியாக தான் இருக்கக் கூடும்.

எப்போதுமே அதிமுக இற்கும் திமுக இற்கும் இடையில் போட்டி தன்மையானது இருந்துக்கொண்டே தான் இருந்தது. யாரும் எதிர்பார்க்காத வகையில் திமுக வெற்றி பெற்றுள்ளது.

இந்நிலையில் வாக்களித்தவர்களுக்கு நன்றி கூறி, எடப்பாடி பழனிசாமி தனது X தளத்தில் அறிக்கை ஒன்றை வெளியிட்டுள்ளார்.

வெளியான அறிக்கை

நாடாளுமன்ற மக்களவைப் பொதுத் தேர்தல் முடிவுகள் நாம் எதிர்பார்த்தது போலவே அதிகார பலமும், பண பலமும், பொய்ப் பிரச்சார பலமும், அறத்திற்கு அப்பாற்பட்ட சூழ்ச்சி பலமும் மிகுந்தவர்களுக்கு சாதகமாக வந்திருக்கின்றன. 

தற்போது வெளிவந்துள்ள நாடாளுமன்ற மக்களவைப் பொதுத் தேர்தல் முடிவுகள், மக்களின் ஏகோபித்த எண்ணங்களை முழுமையாக பிரதிபலிக்கும் முடிவு அல்ல என்பதைத் தெரிவித்துக்கொள்வதோடு, அஇஅதிமுக வேட்பாளர்களுக்கும், கூட்டணிக் கட்சிகளின் வேட்பாளர்களுக்கும் வாக்களித்த வாக்காளப் பெருமக்கள் அனைவருக்கும் எனது நெஞ்சார்ந்த நன்றியை உரித்தாக்கிக் கொள்கிறேன்.

இந்தத் தேர்தல் முடிவுகள் நம்மை சோர்வடையச் செய்யாது. 2026 சட்டமன்றப் பொதுத் தேர்தலை எப்படி எதிர்கொள்ள வேண்டும் என்பதற்கான பாடமும், படிப்பினையும் நமக்குக் கிடைத்திருக்கிறது. 2026 சட்டமன்றத் தேர்தலில் மகத்தான வெற்றி பெறுவோம். என்றும் புரட்சித் தலைவரின் பாடல் நமக்கு வழிகாட்டும் என தெரிவித்துள்ளார்.

'கான முயலெய்த அம்பினில் யானை
பிழைத்தவேல் ஏந்தல் இனிது'

நெடிய அரசியல் பயணத்தில் வெயிலும், நிழலும் கொள்கைப் போராளிகளுக்கு சமமே!

வீழ்த்த முடியாத மக்கள் பேரியக்கம் @AIADMKOfficial என்பது மீண்டும் மெய்ப்பிக்கப்பட்டிருக்கிறது.

நாடாளுமன்ற மக்களவைப் பொதுத் தேர்தல் முடிவுகள் நாம்… pic.twitter.com/kRBDZvLyre

— Edappadi K Palaniswami - Say No To Drugs & DMK (@EPSTamilNadu) June 4, 2024