உலகின் 3 அதிபுத்திசாலிகள்: எலோன் மஸ்க் பாராட்டும் தொழில்நுட்ப ஜாம்பவான்கள்

தொழில்நுட்ப துறையில் மூன்று ஜாம்பவான்களை எலோன் மஸ்க் புத்திசாலிகள் என பாராட்டியுள்ளார்.

அமெரிக்க ஜனாதிபதி டொனால்ட் ட்ரம்ப், தொழிலதிபர் எலோன் மஸ்க் பற்றிப் பேசும்போது அவரை "மகா புத்திசாலி", "திறமையான நபர்" என்று பாராட்டியுள்ளார்.

தற்போது, உலகின் மிகப்பெரிய செல்வந்தர் என்று கருதப்படும் எலோன் மஸ்க், தான் சந்தித்த மூன்று புத்திசாலியான தொழில்நுட்ப மேதைகள் யார் என்பதை வெளிப்படுத்தியுள்ளார்.

"Verdict with Ted Cruz" என்ற போட்காஸ்ட் நிகழ்ச்சியில் கலந்து கொண்ட மஸ்க், Oracle நிறுவனத்தின் இணை நிறுவனர் லாரி எலிசன், Amazon நிறுவனர் ஜெஃப் பெசோஸ் மற்றும் Google நிறுவனத்தின் இணை நிறுவனர் லாரி பேஜ் ஆகியோரை உலகின் மிகச் சிறந்த அறிவாளிகளாகக் குறிப்பிட்டார்.

கோடீஸ்வரராக மாற பின்பற்றவேண்டிய 6 எளிய வழிமுறைகள்., பில்லியனர் வழங்கிய ஆலோசனை

மஸ்க் பாராட்டிய மூன்று தொழில்நுட்ப புத்திசாலிகள்

லாரி எலிசன் (Larry Ellison)

Oracle நிறுவனத்தின் இணை நிறுவனர் மற்றும் முன்னணி தொழிலதிபர்.

"லாரி எலிசன் மிகவும் புத்திசாலி, அவர் உலகின் சிறந்த அறிவாளிகளில் ஒருவராகக் கருதப்படுகிறார்." என மஸ்க் கூறியுள்ளார்.

மஸ்க் மற்றும் எலிசன் நெருங்கிய நண்பர்கள், மேலும் 2018 முதல் 2022 வரை டெஸ்லா இயக்குநர் குழுவில் எலிசன் பணியாற்றியுள்ளார்.

மஸ்க்கின் Twitter வாங்கும் முயற்சிக்கு 1 பில்லியன் டொலர் நிதியுதவியும் வழங்கியுள்ளார்.

ஜெஃப் பெசோஸ் (Jeff Bezos)

Amazon நிறுவனத்தின் நிறுவனர் மற்றும் முன்னாள் தலைமை நிர்வாக அதிகாரி (CEO).

"ஜெஃப் பெசோஸ் பல கடினமான மற்றும் முக்கியமான செயல்களைச் செய்துள்ளார்" என்று மஸ்க் பாராட்டியுள்ளார்.

SpaceX மற்றும் Blue Origin ஆகியவற்றின் போட்டியின் காரணமாக, மஸ்க்-பெசோஸ் உறவில் மாறுபாடுகள் காணப்படுகிறது.

ஆனால், கடந்த ஜனவரியில் மஸ்க் Step Brothers என்ற திரைப்படத்தின் மீம்களை பகிர்ந்து, பெசோசுடன் நல்ல உறவுக்கு திரும்பும் முயற்சியைத் தொடங்கினார்.

வரலாறு காணாத அளவிற்கு உயர்ந்த தங்கத்தின் விலை - மூன்று முக்கிய காரணங்கள்

லாரி பேஜ் (Larry Page)

Google நிறுவனத்தின் இணை நிறுவனர் மற்றும் தொழில்நுட்ப மேதை.

"திறமை என்பது செயலால் நிரூபிக்கப்பட வேண்டும். யார் ஒருவரால் சிறந்த முடிவுகளை உருவாக்க முடிகிறதோ, அவரே உண்மையான அறிவாளி" என லாரி பேஜ் குறித்து மஸ்க் கூறியுள்ளார்.

வெறும் 1 ரூபாயை மாத சம்பளமாக எடுத்துக்கொண்ட இந்தியாவின் பணக்கார IAS அதிகாரி!

மஸ்க்கின் இந்த பாராட்டுக்கள், தொழில்நுட்ப உலகில் உள்ள முக்கிய மனிதர்களின் திறமையை வெளிப்படுத்துகிறது. அவரது நெருங்கிய உறவுகள் மற்றும் போட்டியாளர்களைப் பற்றிய பார்வை, தொழில்நுட்பத்துறையின் எதிர்கால வளர்ச்சிக்கும் முக்கியமான பங்கு வகிக்கலாம்.