லங்காசிறி FM
முடியாது... நைஜர் ராணுவ அரசுக்கு பிரான்ஸ் ஜனாதிபதியின் பதில்
நைஜர் நாட்டின் ராணுவ ஆட்சியாளர்கள் அழுத்தம் கொடுத்தாலும் பிரான்ஸ் தூதர் அங்குதான் தங்கியிருப்பார் என்று கூறியுள்ளார் பிரான்ஸ் ஜனாதிபதியான இமானுவேல் மேக்ரான்.
பிரான்ஸ் தூதர் உடனடியாக நாட்டை விட்டு வெளியேற உத்தரவு
நைஜர் நாட்டில் ஆட்சியைக் கைப்பற்றியுள்ள ராணுவம், கடந்த வெள்ளிக்கிழமையன்று, நைஜர் நாட்டுக்கான பிரான்ஸ் தூதர் 48 மணி நேரத்திற்குள் நாட்டை விட்டு வெளியேறவேண்டும் என உத்தரவிட்டிருந்தது.
காரணம் என்ன?
பிரான்ஸ் தூதரான Sylvain Itté, நைஜரின் வெளியுறவு அமைச்சருடனான சந்திப்பிற்கான அழைப்பிற்கு பதிலளிக்க மறுத்ததால், அவரை நாட்டை விட்டு வெளியேற்ற முடிவு செய்யப்பட்டதாக ராணுவ அரசின் அறிக்கையில் கூறப்பட்டிருந்தது.
மேலும், பிரான்ஸ் அரசின் நடவடிக்கைகள், நைஜர் நாட்டின் கொள்கைகளுக்கு முரணாக அமைந்துள்ளதாகவும் அந்த அறிக்கை கூறியிருந்தது.
நைஜர் ராணுவம், ஜூலை மாதம் 26ஆம் திகதி, நாட்டின் ஜனாதிபதி Mohamed Bazoumஇன் ஆட்சியைக் கைப்பற்றியது குறிப்பிடத்தக்கது.
நைஜர் ராணுவ அரசுக்கு பிரான்ஸ் ஜனாதிபதியின் பதில்
இந்நிலையில், பிரான்ஸ் தலைநகர் பாரிஸில் கூடியிருந்த பல்வேறு நாடுகளின் தூதர்களிடையே உரையாற்றிய பிரான்ஸ் ஜனாதிபதி இமானுவல் மேக்ரான், கடந்த வெள்ளிக்கிழமை நாட்டை விட்டு வெளியேற 48 மணிநேர காலக்கெடு வழங்கப்பட்ட போதிலும், நைஜருக்கானா பிரான்ஸ் தூதரான Sylvain Itte நைஜர் தலைநகரில்தான் இருப்பதாக தெரிவித்தார்.
பிரான்சும் அதன் தூதர்களும் சமீபத்திய மாதங்களில், சில நாடுகளில், குறிப்பாக சூடான் முதல் நைஜர் வரை, கடினமான சூழ்நிலைகளை எதிர்கொண்டுள்ளனர் என்று கூறிய மேக்ரான், இந்த தருணத்தில் அவர்களுக்கு எனது பாராட்டுகளைத் தெரிவித்துக் கொள்கிறேன் என்றார்.
எங்கள் கொள்கை சரியானது என்று நான் நினைக்கிறேன் என்று கூறிய மேக்ரான். அது நைஜர் ஜனாதிபதி Bazoumஇன் தைரியத்தின் அடிப்படையிலும், சட்டத்திற்குப் புறம்பான அதிகாரிகளின் அனைத்து அறிவிப்புகளையும் மீறி, அனைத்து அழுத்தங்களையும் மீறி, நைஜரிலேயே தங்கியிருக்கும் எங்கள் தூதரின் உறுதியின் அடிப்படையிலுமானது என்று கூறியுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
அச்சுவேலி, Woodbridge, Canada
18 Dec, 2010
புங்குடுதீவு 3ம் வட்டாரம், யாழ்ப்பாணம், நீர்கொழும்பு, பிரான்ஸ், France
16 Dec, 2016
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
