நதியில் குதித்து தற்கொலை செய்துகொண்ட நடிகை: பிரபல பிரெஞ்சு நடிகர் மீது தொடர்ந்து குற்றச்சாட்டுகள்

By Balamanuvelan Dec 15, 2023 05:46 AM GMT

Balamanuvelan

in பிரான்ஸ்

Report

பிரான்சில் கடிதம் ஒன்றை எழுதிவைத்துவிட்டு வீட்டை விட்டுச் சென்ற நடிகை ஒருவர் நதியில் குதித்து தற்கொலை செய்துகொண்ட விடயம் பரபரப்பை ஏற்படுத்திவருகிறது.

நதியில் குதித்து தற்கொலை செய்துகொண்ட நடிகை

பிரெஞ்சுப் படங்களில் நடித்தவரான Emmanuelle Debever என்னும் நடிகை, கடந்த மாதம் 29ஆம் திகதி கடிதம் ஒன்றை எழுதிவைத்துவிட்டு வீட்டை விட்டுச் சென்றுள்ளார். அவரது கணவர் அது குறித்து பொலிசாரிடம் புகாரளித்த நிலையில், பெண் ஒருவர் பாரீஸிலுள்ள Seine நதியில் குதித்தது தொடர்பாக பொலிசாருக்கு ஒரு தகவல் கிடைத்துள்ளது.

விரைந்து சென்ற பொலிசார் அந்த பெண்ணை மீட்டு மருத்துவமனைக்குக் கொண்டு சென்ற நிலையில், சிகிச்சை பலனின்றி அவர் உயிரிழந்தார்.

நதியில் குதித்து தற்கொலை செய்துகொண்ட நடிகை: பிரபல பிரெஞ்சு நடிகர் மீது தொடர்ந்து குற்றச்சாட்டுகள் | Emmanuelle Debever Latest News

Axiom Films International

அந்தப் பெண், Emmanuelle என்பது தெரியவந்தது. அவர் தற்கொலை செய்திருக்கலாம் என கருதும் பொலிசார், அது தொடர்பாக விசாரணை ஒன்றைத் துவக்கியுள்ளார்கள்.

நடிகர் மீது குற்றச்சாட்டு

தற்போதும் பல்வேறு திரைப்படங்களில் நடித்துவரும் பிரபல பிரெஞ்சு நடிகரானr Gerard Depardieu என்பவர் தன்னிடம் அத்து மீறியதாக Emmanuelle புகாரளித்திருந்தார். ஆனால், அவரது புகாருக்கு ஆதாரங்கள் இல்லை என கூறி அந்த நடிகர் மீது நடவடிக்கை எடுக்கப்படவில்லை.

ஆனால், இந்த ஆண்டு, சுமார் 13 பெண்கள் Gerard தங்களிடம் தவறாக நடந்துகொண்டதாக புகாரளித்துள்ளார்கள். அவர்களில், அமெரிக்க நடிகையான சாரா ப்ரூக்ஸ், Charlotte Arnould, Helene Darras ஆகியோரும் அடங்குவர்.

AFP

மேலும், Gerard பெண்கள் பலரிடம் தவறாக நடந்துகொண்டதை தான் பார்த்ததாக Anouk Grinberg என்னும் நடிகையும் கூறியுள்ளார்.

ஆக, Emmanuelleஇன் புகார் மீது நடவடிக்கை எடுக்கப்படாவிட்டாலும், நடிகைகள் உட்பட பல பெண்கள் Gerard மீது புகாரளித்துள்ளதால், அவர் கடுமையான சிக்கலில் சிக்கக்கூடும் என எதிர்பார்க்கப்படுகிறது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள்.

மேலும் பிரான்ஸ் செய்திகளைப் படிக்க இங்கே அழுத்தவும்