லங்காசிறி FM
இங்கிலாந்திடம் டி20 தொடரையும் பறிகொடுத்த மேற்கிந்திய தீவுகள்! ருத்ர தாண்டவமாடிய இருவர் (வீடியோ)
Sivaraj
in கிரிக்கெட்
மேற்கிந்திய தீவுகளுக்கு எதிரான இரண்டாவது டி20 போட்டியில் வெற்றி பெற்று, இங்கிலாந்து அணி தொடரை வென்றது.
ஜேசன் ஹோல்டர் விளாசல்
பிரிஸ்டோலில் நடந்த இரண்டாவது டி20 போட்டியில் மேற்கிந்திய தீவுகள் முதலில் துடுப்பாடியது.
Well, that is some start! 😱
— England Cricket (@englandcricket) June 8, 2025
Luke Wood strikes first ball of the match! ☝@lwood_95 | #ENGvWI pic.twitter.com/e1TQiQGv5N
தொடக்கத்தில் சார்லஸ் 47 (39) ஓட்டங்களும், ஷாய் ஹோப் 49 (38) ஓட்டங்களும் விளாசினர்.
அதனைத் தொடர்ந்து வந்த ரோவ்மன் பௌல் (Rovman Powell) 15 பந்துகளில் 2 சிக்ஸர், 3 பவுண்டரிகளுடன் 34 ஓட்டங்கள் விளாசினார்.
அதேபோல் ஷெப்பர்ட் 19 (11) ஓட்டங்களில் ஆட்டமிழக்க, ஜேசன் ஹோல்டர் (Jason Holder) 9 பந்துகளில் 3 சிக்ஸர், 2 பவுண்டரிகளுடன் 29 ஓட்டங்கள் எடுத்தார்.
இதன்மூலம் மேற்கிந்திய தீவுகள் அணி 196 ஓட்டங்கள் குவித்தது. லுக் வுட் 2 விக்கெட்டுகளும், கார்ஸ், பெத்தெல் மற்றும் அடில் ரஷீத் தலா 1 விக்கெட்டும் வீழ்த்தினர்.
தொடரை வென்ற இங்கிலாந்து
அடுத்து களமிறங்கிய இங்கிலாந்து அணியில் பென் டக்கெட் 18 பந்துகளில் 30 ஓட்டங்களும், பட்லர் 36 பந்துகளில் 47 ஓட்டங்களும் விளாசினர். ஜேக்கப் பெத்தெல் அதிரடியாக 3 சிக்ஸர்கள் விளாசி, 10 பந்துகளில் 26 ஓட்டங்கள் குவித்தார்.
அணித்தலைவர் ஹாரி புரூக் 34 (20) ஓட்டங்களில் கார்ஸ் ஓவரில் ஆட்டமிழந்தார். எனினும் ருத்ர தாண்டவம் ஆடிய டாம் பாண்டன், 11 பந்துகளில் 2 சிக்ஸர், 3 பவுண்டரிகளுடன் ஆட்டமிழக்காமல் 30 ஓட்டங்கள் விளாச, இங்கிலாந்து 18.3 ஓவரிலேயே 199 ஓட்டங்கள் எடுத்து வெற்றி பெற்றது.
முன்னதாக ஒருநாள் தொடரை வென்ற இங்கிலாந்து, இந்த வெற்றியின் மூலம் டி20 தொடரையும் கைப்பற்றியது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 12ம் வட்டாரம், கிளிநொச்சி, Eastham, United Kingdom, பேர்ண், Switzerland
20 Jan, 2022
திருகோணமலை, Erlalai, புங்குடுதீவு, கட்டுவன், மட்டக்களப்பு, கனடா, Canada
20 Jan, 2016
புங்குடுதீவு 3ம் வட்டாரம், Herdecke, Germany
17 Jan, 2011
