நியூஸிலாந்தை சம்பவம் செய்த பென் ஸ்டோக்ஸ் படை

Ben Stokes England Cricket Team New Zealand Cricket Team

By Sivaraj Jun 07, 2026 12:04 PM GMT

Sivaraj

in கிரிக்கெட்

Report

நியூஸிலாந்திற்கு எதிரான முதல் டெஸ்டில் இங்கிலாந்து அணி அபார வெற்றி பெற்றது.

254 ஓட்டங்கள் இலக்கு

இங்கிலாந்து மற்றும் நியூஸிலாந்து அணிகளுக்கு இடையிலான முதல் டெஸ்ட் போட்டி லார்ட்ஸில் நடந்தது.

Kane Williamson

முதல் இன்னிங்ஸில் இங்கிலாந்து 140 ஓட்டங்களும், நியூஸிலாந்து 113 ஓட்டங்களும் எடுத்து ஆல்அவுட் ஆகின.

பின்னர் இரண்டாவது இன்னிங்ஸைத் தொடங்கிய இங்கிலாந்து அணி 226 ஓட்டங்களுக்கு ஆல்அவுட் ஆனது. அதிகபட்சமாக எமிலியோ கே 57 ஓட்டங்களும், ஜேமி ஸ்மித் 39 ஓட்டங்களும், பென் டக்கெட் 33 ஓட்டங்களும் எடுத்தனர்.

England vs New Zealand, 1st Test lord

இதன்மூலம் நியூஸிலாந்து அணிக்கு 254 ஓட்டங்கள் வெற்றி இலக்காக நிர்ணயிக்கப்பட்டது. அதன்படி களமிறங்கிய நியூஸிலாந்து அணியில் டெவோன் கான்வே (Devon Conway) நின்று ஆட, ஏனைய வீரர்கள் ஒற்றை இலக்கத்தில் ஆட்டமிழந்தனர்.

அபார வெற்றி

அணியின் ஸ்கோர் 111 ஆக இருந்தபோது, கான்வே 41 ஓட்டங்களில் ஸ்டோக்ஸ் பந்துவீச்சில் ஆட்டமிழந்தார். மொத்தம் 9 விக்கெட்டுகள் சரிந்த நிலையில், க்ளென் பிலிப்ஸ் (Glenn Phillips) அதிரடியாக ஆடி வெற்றிக்காக போராடினார்.

England vs New Zealand, 1st Test lord

எனினும், மேட் ஹென்றியின் கடைசி விக்கெட்டை அட்கின்ஸன் வீழ்த்த, நியூஸிலாந்து அணி 138 ஓட்டங்களுக்கு சுருண்டது. இதன்மூலம் இங்கிலாந்து அணி 115 ஓட்டங்கள் வித்தியாசத்தில் அபார வெற்றி பெற்றது.

பிலிப்ஸ் 44 (52) ஓட்டங்களுடன் களத்தில் இருந்தார். இங்கிலாந்து தரப்பில் கஸ் அட்கின்ஸன் 5 விக்கெட்டுகளும், ஓலி ராபின்ஸன் மற்றும் டங் தலா 2 விக்கெட்டுகளும், ஸ்டோக்ஸ் ஒரு விக்கெட்டும் வீழ்த்தினர்.

Glenn Phillips