திடீரென அதிர்ச்சி கொடுத்த ஸ்கொட்லாந்து பந்துவீச்சாளர்கள்: கடைசி கட்டத்தில் இங்கிலாந்து வெற்றி

England Cricket Team Scotland Cricket Team

By Sivaraj Feb 14, 2026 01:28 PM GMT

Sivaraj

in கிரிக்கெட்

Report

டி20 உலகக்கிண்ணத்தில் இங்கிலாந்து அணி 5 விக்கெட்டுகள் வித்தியாசத்தில் ஸ்கொட்லாந்தை வீழ்த்தியது.

ஸ்கொட்லாந்து ஆல்அவுட்

கொல்கத்தாவின் ஈடன் கார்டன் மைதானத்தில் நடந்த டி20 உலகக்கிண்ணப் போட்டியில் இங்கிலாந்து மற்றும் ஸ்கொட்லாந்து அணிகள் மோதின.

Richie Berrington

முதலில் ஆடிய ஸ்கொட்லாந்து அணி 19.4 ஓவர்களில் 152 ஓட்டங்களுக்கு ஆல்அவுட் ஆனது.

அணித்தலைவர் ரிச்சி பெர்ரிங்டன் (Richie Berrington) 49 (32) ஓட்டங்களும், மைக்கேல் ஜோன்ஸ் (Michael Jones) 33 (20) ஓட்டங்களும் விளாசினர். அடில் ரஷித் (Adil Rashid) 3 விக்கெட்டுகளும், ஜோஃப்ரா ஆர்ச்சர் மற்றும் டாவ்சன் தலா 2 விக்கெட்டுகளும் கைப்பற்றினர்.

England vs Scotland

பின்னர் ஆடிய இங்கிலாந்து அணிக்கு முதல் ஓவரிலேயே மெக்முல்லன் அதிர்ச்சி கொடுத்தார். அவரது பந்துவீச்சில் பிலிப் சால்ட் 2 ஓட்டங்களில் அவுட் ஆனார்.

இங்கிலாந்து வெற்றி

அடுத்த ஓவரிலேயே ஜோஸ் பட்லரும் (3) ஆட்டமிழக்க, 13 ஓட்டங்களுக்கு 2 விக்கெட்டுகள் என இங்கிலாந்து அணி கலக்கமடைந்தது.

Jos Buttler

அப்போது கைகோர்த்த பெத்தெல், டாம் பாண்டன் கூட்டணி அதிரடி காட்டியது. பெத்தெல் 32 ஓட்டங்களில் ஆட்டமிழக்க, அடுத்து வந்த ஹாரி புரூக் 4 ஓட்டங்களில் வெளியேறினார்.

England vs Scotland

ஒருபுறம் ஸ்கோர் உயர்ந்தாலும், ஸ்கொட்லாந்து பந்துவீச்சாளர்கள் சீரான இடைவெளியில் விக்கெட்டுகளை கைப்பற்றி இங்கிலாந்துக்கு நெருக்கடி கொடுத்தனர்.

எனினும் அதிரடியில் மிரட்டிய டாம் பாண்டன் (Tom Banton) ஆட்டமிழக்காமல் 41 பந்துகளில் 63 ஓட்டங்கள் (3 சிக்ஸர், 4 பவுண்டரிகள்) விளாச, இங்கிலாந்து அணி 18.2 ஓவர்களில் 155 ஓட்டங்கள் எடுத்து வெற்றி பெற்றது.

England vs Scotland